1 Ullakkikpiñ, Ataniiq, qaunaġitquvluŋa; kanŋunaqsiḷiqtaupkaġniaġnaŋa!
Hezekiah ukpiqqutiqaŋaruq Ataniġmun, God-iŋanun Israel; Judah umialiqaŋaitchuq ilaatun ittuamik, sivuani naakkaunnii aquagun.
Ukpiqsraqtuat Ataniġmun irrusiqaqtut Mount Zion-tun, aulayyaktauyuminaitchuaq, suli inniaqtut isuitchuamun.
Quviasuglich God-iŋanik Jacob ikayuqtiqaġuuruat suli tunŋavigivlugu Ataniq God-iktiŋ,
Ququulammatin annaguurut navianaqtuamiñ; ukpiġiŋagaatin aasii kanŋunaqtuamiinŋaitchut.
Taamna aglausimaruq Bible-ni inna, “Uvva Zion-mun iḷigiga uyaġak iñuich puukaqtautiksraŋat, uyaġak puukaqtaqtitchiruksraq iliŋiññik. Aasii iñuk ukpiqtuaq Christ-mun, uyaġaktun ittuamun, nunuuraliġumiñaipiaqtuq.”
Qanuq Bible uqaluŋich uqaqtut inna, “Piksraŋaruŋa akisuruamik uyaġaŋmik, paŋmapak iḷigiga kaŋiġalluŋmun uyaġaliutivlugu Zion-mi, aasii kiñaliqaa ukpiqtuaq ilaanun nunuuraliġumiñaitchuq.”