Psalms 7:9 - Iñupiatun Mumiksat Uqalugiksuat

⁹ Ilvich kii iluaqtuaguvlutin God-aurutin qanuġitilaaġaġigitin isummativullu uummativullu, Nutqaqtitkich piaqłuktautiŋich pigiitchualiqirit suli iluaqtualiqiruat navianniuqtinŋaiġḷugich.

Psalms 7:9 Iomraidhean Croise

Genesis 20:5

Abraham uvva ilaa uqallaŋaruq aniqatiginivḷugu, ilaasuli, Sarah, tainnaŋammiuq. Isumamni killukuaŋaitchuŋa.”

1 Kings 8:32

Ataniiq, naalaġniyumautin qiḷaŋmi suli isivġiġḷugich kivgaġiratin. Tatavsaġlugich pasirauruat tatavsaaksrauruat, suli pasirauŋaiqsillugich killukkuaŋaitchuat.

Psalms 10:15

Navgukkich talliŋich piḷuktuat piaġiitchuallu iñuich; tatavsaġlugich piaġiirrutaisigun tainna piḷḷaiġataqtillugich.

Psalms 10:18

Tusaalugich ququullataich nagliksaaqtuat aŋayuqaagitchuallu; isivġiutigni iviġaglugich, makua iñugruiññat tatamaalatchiugaŋaiġumagaich.

Psalms 11:5

Naipiqtuġai nakuuruallu piḷuktuallu atunim; pitquraiḷaqtit uumigipiallakkaich uummanmiñiñ.

Psalms 139:1

Ataniiq, qanuqinmagaaŋagiŋma iḷisimagigmalu.

Psalms 17:3

Iḷisimagiñ uummatiga. Ullaguugigma unnuakun; qanuqitilaaqtuaqłuŋa isivġiqsuaqłuŋa tamaġma paqitaksraitchutin aasii uvamni piḷuktuam kipiqqutaanik. Sivunniŋaruŋa uqaġuŋił̣ł̣uŋa piḷuktuanik,

Psalms 18:21

Kamaksrisuuruŋa pitquraiññik Atanġum; Tununŋaitkigalu God-iga.

Psalms 26:2

Qimilġuuŋŋa uuktuaġluŋalu, Ataniiq; uuktuġlugu uummatiga isummatigalu.

Psalms 35:23

Ki Ataniiq, ikayuŋŋa; makittin, God-iiŋ, iŋiqsruutiŋŋa.

Psalms 37:23

Atanġum aullatigaatigut igliġusiksraptiktun navianniuqtinŋitkai iviġaktuaqtini.

Psalms 40:2

Nuqitkaaŋa navianaqtuamiñ iḷuqsramiñ, amuvluŋa muġrugnaqtuamiñ qaviamiñ tuqqutausuuruamiñ Ilaan iḷigaaŋa navianaitchuamun uyaġagmun anayanniuŋaiqł̣uŋa aasii.

Psalms 43:1

Ilvich God, killukuaŋaiññiŋŋa, tunulliḷiqsuŋŋa akiḷḷiqsruġlugich god-aiḷaqtuat; pilluktinŋa sagluuqtiniñ piḷuusiqiriniḷḷu!

Psalms 44:21

iḷumutupiaq iḷitchuġiniaġaluaqtusi, atakkii iḷisimagitin isumavut suiḷaurrisit unnii.

Psalms 58:6

Navgikkich kigutiŋich makua iqsiñałaich laiyaqpaich, God-auruatiin.

Psalms 9:9

Ataniq illuvigiraġigaa nagriaġirauruam, ini navianaitchuaq iluiḷḷiuġutiqaqtuni.

Psalms 96:10

Uqautilugich nunaqpauruat, “Ataniq umialguniḷugu! nuna inillaktauŋaruq payaŋaił̣ł̣ugu suli aulayyagnaġumiñaitchuq; isivġiġñiaġaich iñuich nalaunŋaruakun.”

Psalms 96:13

Savaapayaaq quviasugli sivuġaani Atanġum, qaigumikii qaiñiaqtuq atanniqsuġiaġlugu nuna, Ilaata aŋalanniaġaich iñuŋich nunam iluaqtuakullu iḷumun ittuakullu.

Psalms 98:9

sivuġaani Atanġum, qaiñiaqtukkii atanniqsimayyaġlugu nuna. Isivġiġniaġaich iñuŋich nunam pitqiksiġautaitchuakullu nalaunŋaruakullu.

Acts 12:23

Tavraŋŋatchiaq isaġulgata Atanġum tuqupkaŋagaa Herod, qanuq kamanaqsiḷiŋaitkaa God. Tavra ilaa qupilġunikłuni iḷumiñi tuquŋaruq.

Romans 16:25

Qaitkivsi God-im munaqqutaanun, suaŋasiḷaaġiḷḷaruamun ukpiġutivsiññik nalaułługu tusaayugaaġiksuat uqautaat, uvaŋa uqausivsun ilivsiññun. Taamna tusaayugaaġiksuaq Christ-kun kaŋiqsiñaiñŋaruaq aippaapak.

1 Thessalonians 3:13

Tainna piguvsi, tuniqsimaniaqtusi ukpiġutivsiññi pasirauniaŋiḷḷusi, suli piḷuutaiḷḷusi, akuqtuġnaġumiñaġniaqtusi God-mun Aapaptiŋnun Ataniqput Jesus qaikpan piqatigilugich iluqaisa ilaan ilaaguaqtauŋaruat iñuŋni.

1 Peter 5:10

Aasii nagliksaaqtuallaanikkuvsi sivikitchuamik, God-im nagliktauqpaktuam qaitquriŋaruavlu ilivsiññik piqatautquvlusi ilaan isuitchuamun kamanaunmiñun atausiŋŋuqatigiŋakavsiuŋ Christ, naamasiñiaġaa ukpiġurri, nalupqisuutiqaġumiñaiġḷusi, maliksuyyataiġḷusiḷu.

Jude 1:1

Jude kivgaŋata Jesus Christ suli aniqataata James-gum tuyuġigai ukua iñuŋnun ququaŋakkaŋiñun God-im, piviuttaġikkaŋiñun God-im Aapam ukpiġutiqaqtituiññakkaŋiñullu Jesus Christ-gum.

Revelation 2:23

Suli uvaŋa tuqunniaġitka miqłiqtuŋi. Aasii aŋaiyyuliqiruapayaat nunallaani iḷitchuġiniaqtut uvaŋautilaamnik iḷisimaruaq iñuich isumaŋiññik piyummatiŋiññiglu. Suli paaqłiġñiaġivsi atausiullaalusi sutigun piŋaravsigun.

1 Samuel 16:7

Aglaan Atanġum uqallautigaa, “Qaunaginagu qanutun aŋitilaaŋalu aŋutigiksilaaŋalu. Pigisuŋitkiga, qanukkii isivġiisuitchuŋa iñuktun. Qiñiġuurut iñuum qiññaŋagun, aglaan uvaŋa Atanġuruaŋaa, qiñiġuugiga uummataagun.”

1 Samuel 2:9

“Qaunagigaich iñuggutiŋi ukpiqtuat ilaanun, aglaan piḷuktuat tammaŋarut taaqtuamun; iñuk akimasuitchuq ilaan suaŋŋanmigun.