Psalms 7:6 - Iñupiatun Mumiksat Uqalugiksuat

⁶ Makittin qinnaliġutin, Ataniiq! Makivsaallautikkich qinnaliqsuat akiḷḷiitka; maksriutilugich ikayuŋŋa! Pitqiksiġautairrutiqaqurirutitkii,

Psalms 7:6 Iomraidhean Croise

2 Samuel 17:14

Absalom-lu iluqatiglu Israel-miuguruallu uqallaktut, “Hushai-m piraksriutaa nakuułhaaqtuq Ahithophel-gum piraksriutaaniñ.” Ataniq sivunniŋaruq Ahithophel-gum piraksriutaa maliġitquŋił̣ł̣ugu, iluiḷḷiuġutiqaquvlugu Absalom.

Psalms 103:6

Atanġum ikayuġuugaich iluaqtuakun nagliksaaqtitauruat aŋalalluataqługich nalaunŋaruakun.

Psalms 12:5

“Uvvaaglaan qaiñiaqtuŋa,” uqallaktuq Ataniq, “Uvvakii piiḷḷiuqtuat nagliksaaqtitaurut nagriaġirauruallu iiqtuaqtuaġutigigaat nagliksautiktiŋ. Uvaŋa navianniuġutaiqsinniaġitka inuġrugiraannik.”

Psalms 138:7

Avanmanŋa iluiḷḷiuġutiqpaich, anayanniuqtilaitkigma. Paaqłaktaġitin uumisuutiqaqtuat akiḷḷiitka annautivluŋalu suaŋŋatignik.

Psalms 143:3

Akiḷḷiima ivaqtuaġaanŋa suli suksraunġipiallakługu iñuggutiga. Taaqtuamun tigutaaġvigmuŋagaanŋa, Irrusiñiŋaruŋa iŋiḷġaan tuquŋaruatun.

Psalms 3:7

Qaġġiiñ, Ataniiq! Annauttuŋŋa, God-iiŋ! Tatavsakkich akiḷḷipayaatka, anniaġumiñaiġḷuŋa.

Psalms 35:1

Akiḷḷiḷiqsukkich akiḷḷiḷiqsuqtitka, Ataniiq, suli aŋuyakkich tamatkua aŋuyaktitka!

Psalms 35:23

Ki Ataniiq, ikayuŋŋa; makittin, God-iiŋ, iŋiqsruutiŋŋa.

Psalms 44:23

Itiġiñ, Ataniiq! Summan imña siñikpich? Iqiiġutin, ayyaktuŋaiqsigut isuiḷaamik!

Psalms 44:26

Makillutin ikayuqsigut! Pisigilugu nakuaqqutin nuŋulaitchuaq annautisigut!

Psalms 59:5

Ataniq God Qutchigñiqsrauruatiin, God-auruatiin Israel-miunun! Iqiiġutin tatavsakkich ukpiŋaitchuat; nagligiŋaiġḷugich pigiitchuakun aitchuutiginniktuat!

Psalms 73:20

Siññaktutun irrusiqaqtut piiqsuatun uvlaaġmagu; makinnavich, Ataniiq, suuŋiḷaġiniaġitin.

Psalms 74:3

Pisuaġvigikkich isuitchuamun iniġruat; akiḷḷiġirapta maqunŋagaat sunapayauraq Aŋaiyyuvikpagmi.

Psalms 78:65

Kiisaimmalu Ataniq iqiiġataqpuq, siñiktuaq iqiiġmatun; irrusiqaŋaruq aŋutitun piallaktittaŋatun wine-gum.