Psalms 69:4 - Iñupiatun Mumiksat Uqalugiksuat

⁴ Uumikłiqsuat uvamnik patchisaitkaluaŋŋaġmiŋ iñugiałhaaqtut nutchamniñ. Akiḷḷiima sagluuġutigiraġigaanŋa; suaŋałhaqhutiglu tuqutchumavluŋa. Utiqtitchipkaqłuŋa sunik tigliŋaitkaluaqtilluŋa.

Psalms 69:4 Iomraidhean Croise

Psalms 35:19

Sagluuqtuanun akiḷḷimnun, piukhaaġvigipkaġnaŋa akiiḷiraunipkun. Uumisuktuat uvamnik patchisaiḷakun tivsisautigipkaġnaŋa isumaaġnipkun.

Psalms 40:12

Avanŋagaanŋauvva isumaaluutisalaich— iñugiakpaitchut kisitchumagaluaqtuni! Piḷuusiqutimnullu aŋupkaqtuŋa, tautullaiqsuŋa; iñugiałhaaqtullu niaqumni ittuaniñ nutchamniñ, nikasulipiallaŋaruŋa.

Psalms 59:3

Tautukkich! Utaqqigaanŋa tuqutchukłuŋa; taluqsralliaġinniktuaqtuat katittut akiḷḷiqsruqłuŋa. Piḷuksisipkun piŋitchut killuliqutigalu pisigiŋitkaat Ataniiq,

Psalms 6:7

Tautupqaqtaliŋaruŋa; irraka puvinŋavaił̣ł̣utik qivġupkaqpaił̣ł̣uŋa akiḷḷiima.

John 15:25

Taamna taŋŋiutausaġniqsuq uqaluŋmun aglausimaruamun ilaisa pitquraŋiññi, “Ilaisa uumigiŋagaanŋa patchisaiḷaakun.”

2 Corinthians 5:21

God-im Christ piḷuutaiñŋaruaq atausiŋŋuqatigipkaŋagaa piḷuunmun, uvagut atausiŋŋuqatauŋaruaguut Christ-mun, atausiŋŋuqatigiŋagikput God-im nalaunŋataa.

1 Peter 2:22

Ilaa piḷuusiqiŋaitchuq sumikunnii. Qaŋaunnii sagluŋaitchuq.

1 Peter 2:24

Christ igḷutuŋagai piḷuutivut timimiñi tuquvluni aŋarraurami, uvagut tuquruatun pitquvluta piḷuunmun, aasii iñuuluta nalaunŋarualiqiluta. Tainna pikami, uvagut iłuaqsipkaqtuatun piŋagaatigut kiḷḷiaqtauniġmigun.

1 Peter 3:18

Christ nagliksaaŋammiuq. Ilaa tuquŋaruq atausiaqłuni pisigivlugich iluqata piḷuusiqirinii piḷuutivut, iñuk nalaunŋaruaq pisivlugich nalaunŋaitchuat, akuqtuġnaqsisaqłuta God-mun. Ilaan timaa tuqutauŋagaluaqtuq ilitqusia iñuuruq-suli.