Psalms 67:7 - Iñupiatun Mumiksat Uqalugiksuat

⁷ God-im quviasuusiaksritkaatigut; tamatkiġutiktuq iñuich sumiḷiqaa qutchiksiḷiġlirruŋ.

Psalms 67:7 Iomraidhean Croise

Psalms 22:27

Nunaqpauruat itqaġniaġaat Ataniq. Nunam sulliñipayaaŋiññiñ qiviaġviginiaġaat; iñuich allakaaġiich aŋaiyyuviginiaġaat.

Psalms 29:11

Ataniq suaŋŋatiksritchisuuruq iñugmiñun quviasuusiqł̣ugiḷḷu tutqiunmik.

Psalms 33:8

Qiksigisiuŋ Ataniq, nunapayaaguruasii! Qutchiksiḷiqsiuŋ, iñuuruasii nunapayaurami!

Psalms 65:5

Kiusuugivsigut akimmasiqł̣uta, aliuġnaqtuakun savautivluta annautisaqłuta. Nunapayaamiittuat iñuich suli akiani uŋasiksuat taġiut ukpiqsraġvigigaatin.

Psalms 72:17

Umialguptuq atqa puiguqtauŋaiḷḷi; tutchaġigñiŋa sivisutigili siqiñġum sivisutilaaŋatun. Nunaqpaupayaaqtuattuq apiqsriḷich God-miñ quviasuusiaksramignik ilaan quviasuusiaksrirrutaatuttauq umialigmun.

Psalms 98:3

Taŋŋiŋagaa unniqsuqłiisini Israel-gum kiŋuvaaŋiññun iḷumutuuġutikullu ataramiglu nakuaqqunmigun. Iñupayaurat sumiḷiqaa qiñiŋagaat akimmataa God-ipta.

Leviticus 26:4

sialuksraqaqtinniaġivsi piviksraq nalautittaġikpan, nuna nauriḷḷayumauq suli napaaqtut siiġñiḷutiŋ.

Acts 13:26

Aniqatiit, kiŋunġuruasii Abraham-mun, iluqasiḷu Jew-guŋitchuat qiksiksraqtuat God-mik, uvaptiŋnun tilirauŋaruq tusaayugaaġiksuaq annautauyumiñaqtuaq.

Acts 13:47

Qanuq Atanġum piraksriŋagaatigut Bible-ni, uqaqłuni, “Inillaŋagivsi qaummatauruatun itquvlusi Jew-guŋitchuanun, alġaqsruutigitquvlugu annaun iñupayauranun.”

Acts 2:28

Iḷisautiŋagiŋma apqunmik kaŋiḷḷiññaqtuamik iñuggunmun, aasii nayuqłuŋa quviasuutiqpaqaqtinniaġiŋma.”

Galatians 3:14

Aasii taamna Christ Jesus pimmagu Jew-guŋitchuat annaurrauyumiñaqsirut ukpiġutikun Abraham-tun, aasiisuli ukpiġutikun aitchuusiaqallasivḷuta Ilitqusiġiksuamik unniqsuqłiisauŋaruamik.

Galatians 3:9

Tavra iñuich ukpiliqsuat Abraham-tun quviasaaġusiaqaġmiut piqatigivlugu Abraham ukpiŋaruaq.

Revelation 15:4

Kia qiksiginiaŋitpatin Ataniiq? Kia uqautigisuŋiññiaqpauŋ kamanautin? Qanuq kisivich piḷuutaitchutin. Nunauruapayaat qaiñiaqtut aasii nanġaġlutin, qanuq nalaunŋaruat piratin tautuŋagaich iluqaġmiŋ.