Psalms 66:3 - Iñupiatun Mumiksat Uqalugiksuat

³ Uqallauttuuŋ God, “Qanutun aliuġutchagnaqtigirut sut ilvich savaatin! Suaŋŋatinkiuvva kamanaqpaił̣ł̣uni akiḷḷiitin unnii uulillarut sivuġaġni iqsivaił̣ł̣utiŋ.

Psalms 66:3 Iomraidhean Croise

Psalms 18:44

Allaniñ nunaniñŋaqtuat taluġiraġigaanŋa; tusaapqauraġamiŋ uvapkun, kamagiraġigaanŋa.

Psalms 18:45

Nikasuliġaqtut; uullaġruaqtun qairaqtut annaksimaaġvigmiŋniñ.

Psalms 47:2

Ataniq, Qutchigñiqsraq, qiksigiraksrauruq; kamanaqtuaq umialik, atanniqsuiruaq nunapayaamik.

Psalms 65:5

Kiusuugivsigut akimmasiqł̣uta, aliuġnaqtuakun savautivluta annautisaqłuta. Nunapayaamiittuat iñuich suli akiani uŋasiksuat taġiut ukpiqsraġvigigaatin.

Psalms 68:30

Suaguŋ Egypt, taimña niġrun ivigruat akunġanniiłłuni; suakkich nunaqpauruat, aŋusallusalaich nuġġaliraqtuat, iluqatiŋ pulġataqtillugich aasii ilaisa maniutimignik qatiqtuanik aitchuiḷġataqpata. Siamitkich aŋuyallaturuat!

Psalms 76:12

Atchiksiḷipkaġaġigaich irrusiŋi kamasaaġuuruat atanaurat; suli tatamaalapkallagaich kamanaqtuat umialgich nunami.

Psalms 81:15

Uumikłiqsuaguruat Ataniġmik punnayaqtut iqsiḷutiŋ uvamnun. Tatavsausiaŋat taimuŋaaglaan illuni.

Exodus 15:21

Miriam-gum atuutiŋagai: “Atuġitchi Ataniġmun, qanukkii akimaruq kamanaqtuamik akimmanmik; miḷuqsautiŋagaich tuttuqpaich aŋalatiŋiḷḷu taġiumun.”