9 naalaġnigaaŋa ikayuqtisiuġvigikamni kiuniaġmigaa aŋaiyyutiga.
Iłuiḷḷiuqama ququullavigiŋagiga Ataniq; kiuŋagaaŋa suli qiḷiqsimmatitka piiqł̣ugich.
Iłuiḷḷiuqama, ququullavigiŋagiga Ataniq, aasii tusaaŋagaaŋa.
Kiuŋagiŋma ququulakama iliŋnun; suaŋŋaktaaŋagiŋma ilitqusimñi.
Ququurraqama Ataniġmun ikayuquvluŋa, salumaruamiñ qimiqqamiñiñ kiugaaŋa.
Iqsitchakama isumaruŋa ayyakkasugaluŋa takkuġniñ. Aglaan tusaagiñ qirratiga, Ilignun ikayuqtisiuqama.
“Iłuiḷḷiuġnimni, Ataniiq, ququulaŋaruŋa iliŋnun, aasii ilvich kiuŋagiŋma. Itiruaŋiññiñ nunaŋata tuquŋaruat ququulaŋaruŋa ikayuquvluŋa, aasii ilvich tusaaŋagiŋma.
Iñuggutiga uvamniñ piiġruiññaaqsimman, tavra, Ataniiq, aŋaiyyuŋaruŋa iliŋnun, aasii salumaruamiñ Aŋaiyyuvikpagiraġniñ tusaaŋagiŋma.