Psalms 6:2 - Iñupiatun Mumiksat Uqalugiksuat

² Uvva piḷaipiallaŋaruŋa, Ataniiq; nagligillagniaŋŋa! Suaŋasipkaŋŋa; uvvaataŋ saunitka nagliksaaqpaktut.

Psalms 6:2 Iomraidhean Croise

Genesis 20:17

Tavraasii Abraham-gum aŋaiyyutiŋagaa Abimelech, aasii God-im iłuaqsipkaqługu, iłuaqsipkaqługulu nuliaŋa kivgaŋiḷḷu aġnat, miqłiqsiullasivḷugich. Uvvakii Atanġum miqłiqtuqallaiyaŋavlugich aġnat Abimelech-gum igluqpaŋaniittuat, pisigivlugu Abraham-gum nuliaŋa Sarah.

Makpiġaaŋa Job-gum 19:21

Avilaitqatigigivsi! Nagliktuqsiñŋa! Argaŋisa uvva God-im piyuŋagaanŋa.

Makpiġaaŋa Job-gum 5:18

God-im mamitaġmiraġigaich kiḷḷiaqtani; argaŋisa anniġmiraġigaatin, argaŋisalu mamitiłłutin.

Psalms 22:14

Suaŋŋataiqsuŋa, kuviruatun imiq nunamun. Navyaapayaatka uniuqtittut; uummatiga aukkaa patiquraliaksratun.

Psalms 30:2

Iŋiulakama ikayuquvluŋa, Ataniiq God-iiŋ, mavruuġigma;

Psalms 31:10

Susallaiḷḷakkaaŋa isumaaġutim, qirratigmauvva iñuggutiga naikł̣ipkaġaa. Piḷguiḷiruŋa pisigivlugich pigiiḷḷiqiatka, marraunnii saunitka sayaiqsaiññaqtut.

Psalms 32:3

Quliaŋiññapkich piḷuutitka, Piḷaiḷḷakama uvluqtutilaaŋatun qirrukłuŋa.

Psalms 38:2

Ikiḷḷiiŋagigmauvva qaġruġnik; ulġuqhaatinŋagigmauvva.

Psalms 38:3

Qinnautikamŋauvva, kiiqsiuliqpaŋaruŋa; timiga iluqaan naŋirrutiniktitkaat piḷuusiqiaġma.

Psalms 38:7

Uunnautinikpaŋaruŋauvva suli tuquaqsiuraqtuŋa.

Psalms 51:8

Tusaalaŋa quviatalaruanik; aasii suksraunġiġaluaġumŋa navipiallaglugu irrusiġa, quviatchavsaaqtinniaġiŋma nalupqinaitchuamik.

Exodus 15:26

Uqallaktuq, “Uvaŋa Ataniq God-iksi, kamagituiññaġuvsiñŋa iluqaanik kamagilugu iłuaġiraġa suli kamagilugich pitqutitka, tatavsaġniaŋitkivsi naŋirrutinik Egypt-miutun. Uvaŋa Atanġuruŋa, iłuaqsiriksi naŋirrunmiñ.”

Numbers 12:13

Tavra Moses kappiatuŋaruq Ataniġmun, “God, mamitillagniaġuŋ!”

Matthew 4:24

Tavra Jesus tusaaŋagaat aliuġnaġniŋa siamiłłuni iluqaiññun nunaaqqiŋiñun Syria-m. Aasii iñuich qaġġirriŋarut ilaanun iluqaiññik naŋittuanik, tamatkuniŋa nagliksautiqaqtuanik qanusiḷimaanik naŋirrutinik kiiqsiuġutiniglu, iḷitqusiqł̣uqaqtuallu, qiiqsruġuuruallu, avatiŋiḷḷu tuquŋaruat, aasii ilaan iłuaqsiŋagai iluqaisa.

Deuteronomy 32:39

“‘Uvaŋa kisimatualuk, God-auruŋa; Allamik god-aitchuq iḷumun ittuamik. Tuqupkaiḷḷaruŋa iñuggusiqsivḷuŋalu, Ikiḷḷiisuuruŋa iłuaqsirivḷuŋalu, suli kia unnii paaqłakkumiñaitkaaŋa savaapkun.