Psalms 5:7 - Iñupiatun Mumiksat Uqalugiksuat

⁷ Aglaan nakuaqqutiqpaiñ pisigivlugu ullautiyumiñaqtuŋa iglugnun; nanġaiyyaġumiñaqtuŋa Ilvich salumaruamun Aŋaiyyuvikpagnun aasii purvigilutin qutchiksuaġilutin.

Psalms 5:7 Iomraidhean Croise

1 Kings 8:35

“Sialuktinŋisaaġupku qanukki iñugiratin piḷuusiqiŋarut paaqłakłutin, aasii isumalitqikpata suli saallugu una Aŋaiyyuvikpak, naqigliḷutiŋ aŋaiyyukpata iliŋnun,

1 Kings 8:38

naalaġnisaġitin aŋaiyyutiŋich. Nalliŋich iñugiraqpich Israel-guruat, iḷumutuuġlutiŋ isumaaliqpata, isaaġutilugich argatiŋ aŋaiyyukpata tuŋaanun uuma Aŋaiyyuvikpaum,

Psalms 101:7

Sagluturuat iñuuyumiñaitchut igluqpamni; sagluuqhutiŋ ukpiŋŋuaqtuat takkumniitchumiñaitchut.

Psalms 130:4

Aglaan tavra suliqutigiŋaiġaġigivsigut, qiksiksrautiqallatquvluta iliŋnun.

Psalms 132:7

Uqallaktugut, “Ilaata igluanukta; nanġaisa sivuġaani aquppiutaġpaŋata mayuġauttauraŋani.”

Psalms 138:2

Saanniaqtuŋa salumaruamun Aŋaiyyuvikpagnun pulluŋa, nanġaġlugulu atqiñ, pisigilugu ataramik ittuaq nakuaqqutin iḷumullu ittuaguniġiñ, qanuq uvva qiñiqtinŋagitin atqiḷḷu pitquratillu qutchigñiqsrauruat.

Psalms 28:2

Tusaaŋŋa ikayuqtisiulaguma, isaaġupkik argatka tuŋaanun salumaruam Aŋaiyyuvikpakpich.

Psalms 34:17

Iluaqtualiqiri ququulamman Ataniġmun, naalaguugaa; annautivlugu iluqaiññiñ iłuiḷḷiuġutiksraŋiññiñ.

Psalms 51:1

Naglikkutiqaġiñ uvamnun, ilvich God-auruatiin, pisigivlugu nuŋulaitchuaq nakuaqqutin. Pisigilugulu kamanaqtuaq naglikkutiqpaiñ piikkich piḷuutitka!

Psalms 52:8

Uvaŋaaglaan arriqaqtuŋa olive napaaqtuatun nauruatun igluani God-im; Ukpiġipiallakkiga ilaata isuiḷaaq nakuaqqutaa isuitchuamun taimuŋa.

Psalms 55:16

Uvaŋaaglaan ququularuŋa Ataniġmun God-mun ikayuquvluŋa, aasii annautiniaġaaŋa.

Psalms 69:13

Uvaŋaaglaan, aŋaiyyuviginiaġikpiñ, Ataniiq; Kiuŋŋa, God-iiŋ, piviksran nalautitpan. Kiuŋŋa pisigilugu ilvich kamanaqtuaq nakuaqqutin, nalautitchuugitinkii unniqsuqłiutitin annautiniaġnivḷugich.

Psalms 69:16

Kiuŋŋa, Ataniiq, nakuaqqutin nuŋusuiḷaaq pisigivlugu; kamanaqtuami naglikkutikkun qiviaŋŋa!

Proverbs 6:16

Tallimat malġuurut Atanġum uumigipiallaktaŋich suli akuqtuaġiyumiñaitchaŋich: piġuqtiġhuni ilimiñik qiññaġmiñi, sagluturuaq qaniq, argaich tuquġairuaq patchisaitchuanik iñugnik, isumami sivunniuġniq pigiitchuanik, isigaich piḷuktualiqiyyaqsauraqtuat, qiñiqqaaqhuni quliaqtuaqtuaq sagluutqigaaqhuni, suli maqutchiñiq avilaitqatigiiksuanik.

Acts 9:31

Tavra aŋaiyyuliqiruat iluqaani Judea-mi Galilee-miḷu Samaria-miḷu tutqiksiŋarut, suli aŋaiyyuliqiruat suaŋasisaiññaŋarut iñugiaksisaiññaqłutiglu iñuuvlutiŋ qiksigivlugu Ataniq, quviasaaġutaaniḷu Ilitqusiġiksuam.

Hebrews 4:16

Tavraasii nalupqisuŋiḷḷuta qalliḷaaqta God-mun, nagliktuutiqaqtuamun, nagliktuusiaqaġumaugut aitchuusiaqaġlutalu nagliktuutiqpakkun ikayuusiaksraptiŋnik ikayuqtiqaqtuksraġuġupta.