Psalms 5:4 - Iñupiatun Mumiksat Uqalugiksuat

⁴ Ilvich God-auruatiin iviġaumagiŋitkiñ piḷuusiqinik; pigiiḷḷiqunmun takkuksraaqtitchuitchutin.

Psalms 5:4 Iomraidhean Croise

Psalms 101:7

Sagluturuat iñuuyumiñaitchut igluqpamni; sagluuqhutiŋ ukpiŋŋuaqtuat takkumniitchumiñaitchut.

Psalms 11:5

Naipiqtuġai nakuuruallu piḷuktuallu atunim; pitquraiḷaqtit uumigipiallakkaich uummanmiñiñ.

Psalms 140:13

Nalaunŋarualiqirauruat iḷumutun nanġaġniaġaatin; iñuuniaqtut nayuġlutin.

Psalms 50:21

Tainna tavra pisuugaluaqtusi uqallayuitchuŋa, isumasuurusi ilivsitun innasugivluŋali. Akkupak aglaan suakkivsi salapqiqsaqługich piḷuutisi.”

Psalms 63:2

Tautuglakpiñ salumaruami aŋaiyyuvikpagmi; tautugluguasii qanutun kamanaqtilaan suli qutchiksuagutilaan.

Psalms 88:14

Summan ayyaktuiññaqpiŋa, Ataniiq? Tunuttaqpiŋa imña summan?

Psalms 92:15

Taaptuma nalunaiġaa Ataniq nalaunŋaruagutilaaŋanik, ilaa uyaġaktun ittuq uvamnun, ilaanisuli pigiitchualiqutaitchuq.

Psalms 94:20

Iḷḷatisuitchutin isivġiqsirinun maqutchiruanun, iluaqtuaguŋitchuat pitquraġuqługich,

John 14:23

Jesus kiuŋagaa, Iñuum piviuttaġigumiŋa kamaginiaġai uqalutka, aasiiḷi Aapama piviuttaġiniaġaa, aasii uvaguk qaiñiaqtuguk ilaanun suli ilaa iñuuqatigilugu.

Hebrews 12:14

Iñupayaanun aŋuyautairrutiqaġitchi, ilaaguaqtaulusiḷu God-mun. Taapkuak piiḷḷugik, kialiqaa tautukkumiñaitkaa Ataniq.

2 Peter 3:13

God aasii unniqsuqłiiŋammiuq nutauruanik qiḷaŋnik nutauruamiglu nunamik, kisimik iñuich nalaunŋaruat sivuġaani God-im iñuuviksraŋannik, aasii tamarra tamatkua utaqqiuġivut.

Revelation 21:23

Suli iniqpak siqiñiqtuŋitchuq naaggaunnii tatqimik qaummatiksraŋanik, qanuq qaumanġa God-im qaummatigigaa, suli qulliġivlugu Imnaiyaaq.

Revelation 21:27

Aglaan sunapayaaq salumaitchuaq isiġumiñaitchuq iniqpaŋmun naaggaunnii kiñaliqaa piḷġusiqaqtuaq naġġunapiaġataqtuanik naagga saglunmik. Aglaan kisimiŋ tamatkua atiŋich aglausimaruat Imnaiyaam makpiġaaŋiñi iñuuruatigun isiġniaqtut iniqpaŋmun.