Psalms 4:3 - Iñupiatun Mumiksat Uqalugiksuat

³ Itqaumalugu Ataniq naliġaŋatilaaŋa iñugnik iluaġniaqtuaguruanik pigisukługich Ilaata, suliasii tusaallavluŋa aŋaiyyukama.

Psalms 4:3 Iomraidhean Croise

Psalms 31:23

Nakuaġisiuŋ Ataniq, ilivsi iñuich iḷumutuuqtuasii. Atanġum munaġisuugai iḷumutuuqtuaguruat, aglaan tatavsaqługich arguaŋaruat tatavsaaksrauruat.

Psalms 34:15

Atanġum munaġisuugai iluaġniaqtuaguruat naalakługiḷḷu ququullatai;

Psalms 49:3

Isummatitka nalunaiññiaqtut; Uqaġniaqtuŋa isumattunmik.

Psalms 50:5

Uqallaktuq, “Atautchimuksigich iñutka uvamnun ukpiqtuat, tamatkua sivunniuqatigiŋaraanni aitchuivḷutiŋ ikipkaikamiŋ.”

Psalms 56:9

Uvlumi ququulagupkiñ, akiḷḷiitka qapiġniaqtut. Taamna iḷisimagiga qanukkii God tunulliḷiqsimaaġaaŋa;

Psalms 6:8

Piiġitchi uvamniñ, piaġiiḷḷiqirauruasii! Atanġum tusaagaa qiñuuqtuaġutigikkaġaa;

Psalms 62:10

Tunŋaviginagu qinnałłaktaġniq; suġallagniaġnasuginak tigligaġlutin; umiallakkaluaġuvich unnii, tunŋaviginagich umiallaktaatin.

Exodus 33:16

Qanuġluni iñuk iḷisimaniaqpa iviġaumagitilaaŋich iñugiratillu uvaŋalu aullaqatigiŋitkuvsigut? Nayuqtauniqpich uvaptinnun iḷisimanaqtinniaġaa allautilaaptinnik allanin iñugniñ nunami.”

John 15:16

Ilivsi piksraqtaaġiŋaitkivsiŋa, aglaan uvaŋa piksraqtaaġiŋagivsi aasii nalunaiqł̣usi aullaqtuksrauvlusi quliaqtuaġutiyaqtuġlugich iñuich tusaayugaaġiksuanik ukpiġumiñaqsiḷugich. Iliŋich siiġñiaġimmatun piñiaġisi nuŋulaiḷaagummatun illugich. Tavraasii sunapayaaq apiqsriaġikkaqsi Aapamun atipkun, ilaan aitchuutigiyumiñaġniaġaa ilivsiññun.

Ephesians 2:10

Aglaan God ilaa allaŋŋuqtitchiŋaruq uvaptiŋnik, atausiŋŋuqataullasivḷuta Christ-mun, iñuulluatallasitquvluta. God sivuniqaŋaniqsuq iŋiḷġaan tainna iñuuruksrauvluta.

2 Timothy 2:19

Aglaan God-im iḷumun ittuaŋa allaŋŋulaitchuq, iłłuni aulayaitchuatun maŋŋuliutitun aulayyaŋnaġumiñaitchuatun. Aasii ukua malġuich uqaluich God-im aglaaŋi aglagivlugich, “Atanġum iḷisimagai ilaan iñuŋni,” suli, “Kiñaliqaa Atanġum iñugikkaŋa piḷuusiqiugaŋaiġḷi.”

Titus 2:14

Tuquvluni aitchuutigiŋaruq inmiñik uvaptiŋnun atanniqsimaŋaiqsitchaqłuta iluqaanun pigiitchuamun, ilaaguaqsaqłuta ilaan iñugisukłuta, kipiġniuqtuaguut nakuurualiqisukłuta.

1 Peter 2:9

Aglaan ilivsi iñuksraqtaaġirauŋarusi, Umialgum aŋaiyyuliqsiqpaŋi, ilaaguaqtauvlutiŋ Nation-guruat, God-im nanmiñiq iñuŋi, piksraqtaaguruat quliaqtuaġitquvlugich aliuġnaqtuat savaaŋi God-im, taavruma ququaġiruam ilivsiññik taaqtuamiñ ilaan aliuġnaqtuamun qaummaġmiñun.

2 Peter 2:9

Tavraasii Ataniq iḷisimaruq qanuq annaurriñaqtilaamik god-iliqiruanik uuktuaġusiaŋiññiñ, suli qanuq iḷimmatinaqtilaaŋat piḷuktuat iñuich tatavsausiaksrautaannik isivġiġvik uvluq tikitchiaġivlugu,