Psalms 30:5 - Iñupiatun Mumiksat Uqalugiksuat

⁵ Qinnautaa akkupauraq itchuuruq, nakuuniŋa itchuuruq iñuuniqtutilaatun. Qulviuġnaġaluaqtuq unnuami, aglaan quviatchagnaġmiuq uvlaami.

Psalms 30:5 Iomraidhean Croise

Genesis 32:24

aglaan ilaa uniktinŋaruq, kisiŋŋuqłuni. Tavraasii aŋun qaiŋaruq aasii suġuqatigiaqsivḷugu uvlaaġiaġataqtillugu.

Psalms 103:17

Aglaan Ataniġmik qiksiksraqtuanun, nakuaqqutaa inniaqtuq isuksraiḷaamun, aasii suli ilaata iluaqtuaguniŋa taimuŋaaglaan illuni kiŋuniġiiksuaguruanun

Psalms 103:9

Pasiuqłiḷaitchuq ataramik; ilaasuli qinnautiqalaitchuq taimuŋa.

Psalms 143:8

Iḷisimapkaġuŋ uvlaatuaġman ataramik nakuaqqutin ittuaq, qanukkii ukpiġigikpiñ. Aŋaiyyutiqaqtuaqtuŋa iliŋnun; iḷisautiŋŋa iglauyaaksramnik.

Psalms 145:10

Iluqaġmiŋ iñuggusiŋaraqpich, Ataniiq, nanġaġniaġaatin, suli iñugipayaaqtaqpich quyyaviginiaġaatin.

Psalms 16:11

Iḷisautiniaġiŋma apqunmik kaŋŋirviqaqtuamik iñuggunmun; nayuutiniqpich siḷipkaaġaaŋa quvianamik quviasuktuallasivḷuŋalu taimuŋa isuiḷaamun.

Psalms 46:5

God nayuutiruq taaptumani iniqpagmi, suksraunġiqsauyumiñaitchuami; qausaġataqpan aggiġñiaqtuq anniqsuġiaġlugu.

Psalms 47:7

God-kii umialguruq iluqaanun nunamun; nanġaqsiuŋ atuutinik!

Psalms 59:16

Uvaŋaaglaan atuutigiugaġniaġiga ilvich suaŋŋatin; uvlaatuaġaġikpan nipatusiḷuŋa atuutugilugu quviasuutikun nuŋulaitchuaq nakuaqqutin. Ilvich qanuq annaksimaaġvigivlutin, ini anayanaitchuaq iłuiḷḷiuġnimni,

Psalms 63:3

Nuŋulaitchuaq nakuaqqutin nakuułhaaqtuq iñuggunmiñ unnii, tainnamik qaqłuŋma nanġaġniaġaatin.

Psalms 97:12

Quviasugitchi Ataniġmi iluaqtualiqirauruasi, quyyatiqaġlusi atqanun salumaruamun.

Exodus 3:15

Uqallautisaġitin Israel-gum kiŋuvaaŋich Uvaŋa, Atanġuruaŋa, God-iŋat maŋŋuuvsi, Abraham-gum, Isaac-gum, Jacob-guvlu, tiliŋaniḷutin iliŋiññun. Tavra taamna atiġa isuitchuamun; taaptumiŋa iluqaġmiŋ kiŋuvaaġiich taiguqtaksraġigaanŋa.

Matthew 5:4

Quviasuglich tamatkua isumaaqpaktuat, qanuq God-im quviasaaġniaġai.

2 Corinthians 4:17

Tamatkua iłuiḷḷiuġutivut paŋmapak suuvigruaŋitchut sivisuŋitchullu, itqanaiyaqsiññaġaatigut nakuaqsrisigitquvlugich God-im kamanaġniqsrat quviasuutiksrirrutiŋi uvaptiŋnun isuitchuamun.

Revelation 22:1

Tavrani isaġulgum uvaŋa John tautuktinŋagaaŋa kuuŋanik imġata iñuunaqtuam, qaummaqtigiruamik igalauratun, maqiruamik aquppiutaŋaniñ God-im Imnaiyaavlu,

Revelation 22:17

Ilitqusiġiksuaġlu Nuliaksraullu uqaqtuk, Qaisitchi. Suli kiñaliqaa tusaaruaq taavrumiŋa uqallaktuksraummiuq, Qaisitchi. Suli kiñaliqaa imiġuliqsuaq qaiḷi. Akuqtuġliuŋ imiq iñuunaqtuaq aitchuusiaġilugu kiapayaaq piqaġuktuam.