Psalms 3:3 - Iñupiatun Mumiksat Uqalugiksuat

³ Ilvich aglaan, Ataniiq, akkiaġautigisuugikpiñ navianaqtuamiñ; Ilvich akimmasiġiŋma suli qapiŋaivsaaqtinmivḷuŋa.

Psalms 3:3 Iomraidhean Croise

Genesis 15:1

Taamna pianiŋman, Abram qiñiqtuuraaŋaruq aasii tusaavlugu Ataniq uqallaktuaq, “Iqsiñak, Abram. Anniyaitkutauniaqtuŋa iliŋnun anayanniuġunmi kamanaqtuamiglu akiḷiusiaksriḷḷutin.”

Genesis 40:13

Piŋasuni uvlianikpata umialgum anipkaġniaġaatin suliqutigiŋaiġḷutin, aasii savaaġnun utiqtillutin. Qaiññiaġiñ qallutaa piusikaaqtun wine-tuqtitkapku.

2 Kings 18:30

Payaripkaġnasi tunŋaviqaqukpasi Ataniġmun. Isumanasi Ataniġmun annautiniaġnasugilusi suli nutqaqtinniaġnasugilugich Assyria-m aŋuyaktiŋich pisaġisaqparruŋ iniqpak.

2 Kings 18:32

umialigmun inillatqiksilġataqtillusi nunamun nunavsiksun ittuamun, siiġñaqaġviqaqtuamun wine-sranik suli palauvaksranik punniliugaksranik; nunaŋi olive-gich, olive-gich uqsruatalu, suli honey-lu. Kamagiguvsigik piraksriutiŋich, tuquniaŋitchusi, aglaan iñuulusi. Sagluqipkaġnasi Hezekiah-mun isumalusi Ataniġmun annautiniaġnasugilusi.

2 Kings 25:27

Tavrani ukiumi Evilmerodach umialiguġman Babylonia-mun, nagligiŋaniġaa Umialik Jehoiachin Judah-ġmiu anipkaqługu tigutaaġvigmiñ. Taamna piŋaruq iñuiññaq tallimat malġuŋanni (27th) uvlut, qulit malġuanni (12th) tatqich, iñuiññaq akimiaq malġuŋanni (37th) ukiut Jehoiachin aullaurrauŋamman-qaŋa tigutaaqtauvluni.

Psalms 110:7

Umialik imiġniaqtuq kuuġulugmiñ apqunmi, aasii sayanikkumi, makinniaqtuq akimmanmi.

Psalms 119:114

Ilvich annaksaġvigigikpiñ suli munaqsrigivlutin; niġiukkutiqaqtuŋa unniqsuqłiutiŋnun.

Psalms 18:2

Ataniq munaqsrigigiga; suaŋaruaq annaksimaaġviga. God-iga sapunniaqtiga, Ilaaniinnama navianniuyuitchuŋa. Sapunniaġuugaaŋa akkiaġautituqtuatun; piyaquqsaiḷivluŋa annaummavigalu.

Psalms 27:6

Akimaniaqtuŋa akiḷḷimniñ avatimniittuaniñ. Qasalaaġluŋaasii quviasuunmi aitchuiḷuŋa Ilaan Aŋaiyyuvikpaŋani; Atuġniaqtuŋa, Nanġaġniaġiga Ataniq.

Psalms 28:7

Ataniq suaŋŋatigigiga suli sapunniaqłuŋalu; Ukpiġigiga ilaa. Ikayuġuugaaŋakii suli qaamasuusiqł̣uŋa; Nanġaġiga ikiaqtalaaġnaqsivḷugu atuutinik.

Psalms 4:3

Itqaumalugu Ataniq naliġaŋatilaaŋa iñugnik iluaġniaqtuaguruanik pigisukługich Ilaata, suliasii tusaallavluŋa aŋaiyyukama.

Psalms 62:7

Annausiaqaġviga suli qiksigñaqsiñiġa tunŋaruq God-mun; suaŋŋaruq qaunaksriga; ilaa annaksimaaġviga.

Psalms 84:11

Ataniq munaqsrigigikput aullarrigivlugulu. Quviasaaġuugaatigut nakuuniġmiñik qutchiksiḷiġunmiglu. Nakuuruamik aitchuŋiññiaŋitkaich nalaunŋarualiqirauruat.

Luke 2:32

Tusaayugaaġiksuat ilaagun inniaqtut qaummaqtun Jew-guŋitchuanun, satqummiġḷugu iliŋiññun iḷumun ittuaq God-ikun, suli iñuktin Israel isumakkusiaqallasiḷugich qutchiksuakun.

Deuteronomy 33:29

Israel-gum kiŋuvaaŋich, qanutun quviasuktigivisi! Ilivsitun ittuamik piitchuq, nunaqpak annautikkaŋatun Atanġata. Atanġum inmiñik akkiaġautauruam savikpauvluniḷu ilivsiññun, sapunniaġukłusi akimmatisimaaġlusiḷu. Akiḷḷisi nagligitqugisigaluaqtut, tunmalugisiññaġniaġisi.

Revelation 21:11

Taamna iniqpak qaummatiqaŋaruq qaumanġanik God-im, qaummaŋa arriqaqłuni ayuġnaġniqsrauruatun akisuruatun uyaġaktun qivliqtuatun isiŋnatun, qaummaqtigivluni igalauratun.

Revelation 21:23

Suli iniqpak siqiñiqtuŋitchuq naaggaunnii tatqimik qaummatiksraŋanik, qanuq qaumanġa God-im qaummatigigaa, suli qulliġivlugu Imnaiyaaq.