Psalms 27:3 - Iñupiatun Mumiksat Uqalugiksuat

³ Aŋuyakkumapayaaqtuat avatkaluaqpanŋa, iqsisiksraitchuŋa; akiḷḷimalu maksrigvigigaluaqpanŋa, Nalupqigiyumiñaitkiga God.

Psalms 27:3 Iomraidhean Croise

Makpiġaaŋa Job-gum 4:6

Nanġaqługu God, patchisaiñŋarutin iñuusiġñi; tavraasii nalupqisuutaitchuksraurutin niġiukkutiqaġutillu.

Psalms 112:7

Ilaa sivuuqqataitchuq pigiitchuanik tusaayugaaġniaġumi; uummanmiñi ukpiġutaa aulayaitchuaguruq, ukpiqsraqtuq Ataniġmun.

Psalms 3:6

Iqsigiŋitkitka kisiññaitchuat akiḷḷiitka avalluġaanŋaunnii sumiḷḷiqaa.

Psalms 3:7

Qaġġiiñ, Ataniiq! Annauttuŋŋa, God-iiŋ! Tatavsakkich akiḷḷipayaatka, anniaġumiñaiġḷuŋa.

Psalms 52:6

Iḷumuuqtuat tautukkumirruŋ taamna iqsitchagniaqtut; iglautiginiaġaatin aasii uqallagmiḷutiŋ,

Philippians 1:28

Iqsitchaktinnasi akiḷḷiḷiqsuqtivsiññun. Qulluaŋairrutivsi qanuqpisiiḷḷiñiaġai suksraunġiqsauniaqtilaaŋannik, suli ilivsi annaurrauyumaaqtilaavsiññik, qanuq God-im akimmasiġaasi.

1 Peter 3:14

Aglaattauq nagliksaaġaluaġuvsi pisigilugu nalaunŋarualiqiniq, quviasaaġusiaqaġniaqtusi. Sivuuġaginagich iñuich, naaggaunnii uŋiarrisaġinagich.

Revelation 2:10

Sivuuġaginagu nagliksaaġutigiyumaagaqsikkaqsi. Uvva, Tuunġaum isiqtaupkaqsaġumaagaqsigai iḷasi, uuktuaqtautquvlusi. Tavraasi uvluni qulini iłuiḷḷiuġutiqpaqaġniaqtusi. Ukpiġutiqaġitchi tuqunivsiññun aglaan, aasiiḷi akiḷiññiaġivsi iñuggusiġḷusi isuitchuamik niaquġusiġmatun.

1 Samuel 19:8

Aŋuyanagutiŋalgitchut Philistia-ġmiullu. David-gum paaqłaŋagaich aasii akiiḷipiaġataqługich qimaapkaqtaallaisa.