Psalms 26:3 - Iñupiatun Mumiksat Uqalugiksuat

³ Nakuaqqutin sivuġamniittuq ataramik; Iglauvigigiga iḷumun ittuaguniġiñ.

Psalms 26:3 Iomraidhean Croise

2 Kings 20:3

“Itqaumalutin, Ataniiq, savautiniḷuguugikpiñ ataramik suli iḷumutuuqłuŋa suli savaaġiniḷuguugiga sunapayaaq pitquran.” Aasii qirrukpanagutiŋaruq anniġñautikun.

Psalms 101:2

Piraġausiqaġniaqtuŋa patchisaitchuakun. Qakugu ullagniaqpiŋa? Iñuusiḷḷuataqaġniaqtuŋa iglumni

Psalms 119:142

Iluaqtuaguniġiñ isukłitchumiñaitchuq, pitqurallu ataramik iḷumun ittuaguruq.

Psalms 25:5

Igliġutiŋŋa iḷumun ittuaġirakkun suli iḷisautiluŋa, qanuq ilvich God-aurutin, annaurriga. Uvluq naałługu niġiukkutiga iligniittuq.

Psalms 52:1

Summan uqavigaaqpich pigiirrutignik, kamanaqtuatiin? Uvvauna God-gum iḷumun ittuaguniŋa taimuŋa inmiuq.

Psalms 86:11

Iḷisautiŋŋa, Ataniiq, ilvich pitqutignik, aasii kamaginiaġikpiñ iḷumutuuġluŋa; iḷisautiŋŋa savautiyumiñaqsiḷutin avigaaŋŋataiḷḷuŋa.

Luke 6:36

Nagliktausitchi Aapavsisuttauq nagliksrauruatun.

John 14:6

Jesus kiuŋagaa, Uvaŋa apqutauruŋa, iḷumun ittuaġlu, iñuggullu. Kiñaliqaa Aapamukkumiñaitchuq aglaan uvapkun kisian.

2 Corinthians 3:18

Tavraasii uvagut ukpiqtuaguruaguut taalutaitchugut iriġumiñaġluta Atanġum qiḷaŋmiŋŋaqtauruamiñ qaumanġaniñ. Uvagut qiñiqtuiññaqaptigu Ataniq ukpiġutikun, allaŋŋuqtuaqtugut ilaatun iḷisaiññaqłuta, suli Atanġum Ilitqusiġiksuaŋata kiikaa iḷisaiññaqtitkaatigut ilaatun.

2 Corinthians 8:9

Qanuq iḷisimagiksi nagliktuutiqpaŋa Atanipta Jesus Christ. Piqataugaluaŋŋaġmi iluqaani God-im kamanautaani iḷiappaguutigiŋagaasi, sunauvva ilaan iḷiappaguġniġmigun ilivsi iḷaŋiutiyumiñaqsitquvlusi God-im kamanautaanun.

Ephesians 4:32

piaqłuktautiŋaiġḷusiḷu avanmun, nagliksrautiqaġlusiḷu suliqutigiŋaiġutilusiḷu avanmun, God-iptauq suliqutigiŋaiŋammagich itqaumayumiñaiqł̣ugich piḷuutisi pisigivlugu Christ.

1 John 1:7

Aglaan iñuuniaqtuagugupta qaummaġmi, ilaatun qaummaġmiittuatun, piqaqtugut iḷammiuġunmik avanmun, suli auŋata Jesus ilaan Iġñiŋan salummaqsimaaġaatigut piḷuutipayaaniñ.

2 John 1:4

Quviasupiaġataŋaruŋa iḷitchuġikapkich iḷaŋich miqłiqtuvich iñuummata iḷumun ittuakun, nalaupiaqługu piraksriutaa Aapam uvaptiŋnun.

3 John 1:11

Piviuttaġirauruatiin, tuvraġnagu iñuk pigiitchuaguruaq, aglaan nakuurualiqilutin. Iñuk nakuurualiqiruaq God-im pigigaa, iñuk pigiitchualiqiruaq naluruq God-mik