Psalms 26:1 - Iñupiatun Mumiksat Uqalugiksuat

¹ Kilgutigiŋŋa pasiraksraitchualiḷuŋa, Ataniiq, qanukkii iluaqtualiqisuuruŋa ukpiġipiallakłutillu.

Psalms 26:1 Iomraidhean Croise

2 Kings 20:3

“Itqaumalutin, Ataniiq, savautiniḷuguugikpiñ ataramik suli iḷumutuuqłuŋa suli savaaġiniḷuguugiga sunapayaaq pitquran.” Aasii qirrukpanagutiŋaruq anniġñautikun.

Makpiġaaŋa Job-gum 2:3

“Qiñiqtuaŋaviuŋ kivgaġa Job?” Atanġum apiqsruġaa. “Allamik iñuitchuq pasiñaġuminaitchuamik nakuuruaguruamiglu; qiksikkutiqaqtuamik God-mun qaunakłaapiaġataqtuamiglu piḷuusiqisuŋił̣ł̣uni. Piyumisaaŋagaluaġigma suksraunġiquvlugu patchisaiḷaq, aglaan Job pasiñaġumiñaitchuqsuli.”

Makpiġaaŋa Job-gum 4:6

Nanġaqługu God, patchisaiñŋarutin iñuusiġñi; tavraasii nalupqisuutaitchuksraurutin niġiukkutiqaġutillu.

Psalms 121:3

Putukkisinniaŋitkaatin; munaqsriruaq iliŋnik siñaavriḷaitchuq.

Psalms 15:2

Tamatkua kamakkutiqaqtuat God-mun supayaatigun iñiqługulu iluaqtualiqisuuruat, uqaluqaqhutiŋ sagluuŋitchuanik iḷumun ittuaniglu,

Psalms 21:7

Umialik ukpiqsraqtuq Ataniġmun Sapiġñaqtuamun; Atanġum nakuaqqutaa nuŋusuiḷaaq pisigivlugu ilaa aulayyaktauyumiñaipiaqtuq.

Psalms 25:2

Iligni, uvaŋa God-iiŋ, nalupqisuŋitchuŋa. Kanŋunaqtuamuktinnaŋa; akiḷḷimnun anmuqsruqtinnaŋa!

Psalms 25:21

Nakuuniġmatuq iḷumuuġniġmalu munaġiliŋa, atakkii ukpiġigikpiñ.

Psalms 26:11

Uvaŋaaglaan, iluaqtualiqisuuruŋa; nagligiluŋa annauttuŋŋa!

Psalms 28:7

Ataniq suaŋŋatigigiga suli sapunniaqłuŋalu; Ukpiġigiga ilaa. Ikayuġuugaaŋakii suli qaamasuusiqł̣uŋa; Nanġaġiga ikiaqtalaaġnaqsivḷugu atuutinik.

Psalms 31:14

Ukpiqqutiga aglaan iligniittuq, Ataniiq; Uqallaŋaruŋa ilvich God-igigikpiñ.

Psalms 35:24

Ilvich ataŋ iluaqtuagurutin. Ataniiq, aasii nalunaiŋŋa patchisaisilaamnik; akiḷḷimnun kamanniraaġutigipkaġnaŋa.

Psalms 37:31

Pitqurriutaich God-im uummanmiutaġuugaich unitqataalaił̣ł̣ugiḷḷu.

Psalms 4:5

Qaitchisitchi iluaqtuanik aitchuutinik ikipkaqtanik Ataniġmun, ukpiqqutiksiḷu tunŋapiallaglugu Ilaanun.

Psalms 43:1

Ilvich God, killukuaŋaiññiŋŋa, tunulliḷiqsuŋŋa akiḷḷiqsruġlugich god-aiḷaqtuat; pilluktinŋa sagluuqtiniñ piḷuusiqiriniḷḷu!

Psalms 54:1

Annauttuŋŋa suaŋŋatikkun, God-auruatiin; annaktilluŋa suaŋŋatikkun!

Psalms 62:2

Kisimiataŋ qaunaksriga annautivluŋalu; ilaa anniqsuqtiga, akiisitauyumiñaitchuŋa.

Psalms 62:6

Kisimiataŋ qaunagigaaŋa annautivluŋalu; ilaa anniqsuqtiga, akiisitauyumiñaitchuŋa.

Psalms 7:8

Ilvich isivġiqsaurutin iñupayaanun. Isivġiigguiñ iviġaumanaqtuamik uvapkun, Ataniiq; iḷisimagigmakii patchisaisilaamnik.

Psalms 94:18

Uqallakkama, “Kataaqsiruŋa”; nakuaqqutikpich ittuam ataramik makitapkaġaġigaaŋa, Ataniiq.

Proverbs 20:7

Miqłiqtut quviasuusiaqaġuurut aapaqaqtuat ukpiġnaqtuamik suli iluaqtuakuaqtuamik.

Proverbs 29:25

Anayanaqtuq isumaaluutigiruni qanuq iñugnun isummatigitilaamik, aglaan ukpiġigupku Ataniq anayanaitchuq.

2 Corinthians 1:12

Quyaruŋa isumama killuliqirualiŋiñmaŋa itqaġaġikapku iñuuniaġusiġa sivuġaanni iñupayaat, ilivsił̣haaġluami takkuvsiññi, qanuq iñuuŋaruŋa piḷuutaitchuakun piŋŋuaġutaitchuakullu sivuġaani God-im. Iluqaan iññiqiniġa aulanŋitkaa iñugruiññaum pisaasuutaata, aglaan God-im nagliktuutiqpaŋata.

Hebrews 10:23

Nalupqisuŋipiaqta qanuġliqaaŋaiġḷutalu uqautigiguptigu ukpiġikkaqput, qanuq God unniqsuqłiiŋaruaq ukpiġnapiaqtuq.

1 Peter 1:5

Tamatkua annaurrauniġmi quviasuusiaksrautit kiŋuvaannaktaaguyumaaqtuat God-im itqanaiyaŋarani qaiññiaġai piviksraq isukłitpan. Aasii God-im sapiġñaqtuakun suaŋŋanmigun qaunaginiaġaasi aitchuusiaġiyumiñaqsiḷugich pisigilugu ukpiġutiqaġniqsi.

2 Peter 1:10

Aniqatiitkaa, tamatkua tainna inmata pisuqtilaavsisun iñuusitchi, ukpiġnaqsisaġlugu God-mun ququaŋatilaaqsi piksraqtaaġiŋatilaaqsiḷu. Aasii tainna iñuuguvsi, nalupqinaitchuq annaurrauniaqtusi.

1 Samuel 2:9

“Qaunagigaich iñuggutiŋi ukpiqtuat ilaanun, aglaan piḷuktuat tammaŋarut taaqtuamun; iñuk akimasuitchuq ilaan suaŋŋanmigun.

1 Samuel 24:15

Ataniq isivġiiñiaqtuq, suli sivunniiñiaqtuq nalliqpuk killukuaŋatilaaŋa. Ilaantuq qimilġuġliuŋ taamna, ikayuġugluŋa uvaŋa, aasii annautiluŋa iliŋniñ.”