Psalms 24:4 - Iñupiatun Mumiksat Uqalugiksuat

⁴ Ami tamatkua salumaruat surġausimigni isumamigniḷu, nanġaisuitchuat iñuuraqpagnun suli saglukun unniqsuqłiiḷaitchuat.

Psalms 24:4 Iomraidhean Croise

Genesis 6:5

Atanġum qiñiqługu qanutun piḷuktualiqiriġuqtilaaŋiññik iñuich nunami qanutullu pigiitchuałhiñanik isumasiññaliġmata ataramik,

Makpiġaaŋa Job-gum 17:9

Nalaunŋaruagunasugiruat nalupqisuutiqaŋiñmiut iłuakkuaġnivḷutiŋ.

Makpiġaaŋa Job-gum 9:30

Iqaġigaluaġumaunnii apunmik naaggaunnii iqaġilugik argakka iqaqqunmik,

Psalms 143:8

Iḷisimapkaġuŋ uvlaatuaġman ataramik nakuaqqutin ittuaq, qanukkii ukpiġigikpiñ. Aŋaiyyutiqaqtuaqtuŋa iliŋnun; iḷisautiŋŋa iglauyaaksramnik.

Psalms 15:4

Suunnaġiŋitkaiptauq God-im ayyaktaŋich, iviġaumagigaich aglaan kamaksriruat Ataniġmik. Navgiḷaiñmiut unniqsuqłiunmignik, qanutun unnii akisutigiluqtuq.

Psalms 18:20

Atanġum akiḷiusiaqaqtitchuugaaŋa savagluataġuuvluŋa; piḷḷuatausiġuugaaŋa qanukkii patchisaitchuŋa.

Psalms 25:1

Ilignun, Ataniiq, aŋaiyyutiqaqtuŋa;

Psalms 26:6

Ataniiq, Argatka iqaġigitka nalunaiqsaqługu patchisaisilaaġa avluġaaqłuŋalu nanġaqłutin kiavallakługu ikipkaiviiñ.

Psalms 51:10

Savagiñ salumaruamik uummanmik uvamni, God-iiŋ, aasii nutaqsaġlugu iḷumutuuqtuamik iḷitqusiġa.

Psalms 51:12

Qaitqiguŋ uvamnun quvianaqtuan qaisuuruaq annautikkun, suli kamaksriyumalaaliqsilluŋa ilignun.

Psalms 73:1

Iḷumutun God-im nakuugutigai Israel-miut, piġuaġniġitchuanik uummatiqaqtuanun.

Proverbs 20:9

Iñuk uqallakkumiñaqpa sumik isumaaluutaiññiḷuni, piḷuutaiññiḷuniḷu?

Matthew 5:8

Quviasuglich salummaqtauruat piḷuutipayaamiñ, qanuq tautugniaġaat God.

Acts 14:15

Aŋutiit, summan tainna pivisi? Uvaguktauq uvva aŋutik iñugruiññaak irrusiqaqtuak ilivsisuttauq. Aasii maaniittugut alġaqsruutigisukługu tusaayugaaġiksuaq, mumiquvlusi tamatkunaŋŋa taŋiġitchuaniñ suniñ, iñuuruamun God-mun savaŋaruamun qiḷaŋmiglu nunamiglu taġiumiglu imaġikkaŋiñiglu.

Acts 15:9

Suli ilaa allakaaġiiksualiŋaitchuq uvaptiŋniglu iliŋiññiglu, ilaan suliqutigiŋaiqł̣ugich itqaumayumiñaiqł̣ugich piḷuutiŋich ukpiliġmata.

2 Corinthians 7:1

Piginiqaptigik taapkua unniqsuqłiisit, piviuttaġirauruasii, salummaqta uvaptiŋnik piḷuutipayaaniñ timiptiŋnullu ilitqutchiptiŋnullu salumaiḷḷisauruaniñ sivuġaani God-im. Iñuuniḷukta kiikaa piḷuutaiññiaġluta, qanuq qiksigigikput God.

Deuteronomy 4:19

Maliksuktitaunasi nanġaġuglugich tautuktasi siḷami—siqiñiġmik, tatqimik, uvluġiakkaluanik. Atanġum God-ivsi inillaŋagaich iluqaiññun nunaqpauruanun ataani iluqaani qiḷaum.

1 Timothy 1:10

allatuqtinullu, aŋutinullu kanŋunaqtuakun atuutiruanun, tainnatuttauq aġnat aġnauqanmiŋnun, iñuŋniglu tigliguuruanun, tamatkunuŋalu sagluturuanun iḷumun inŋitchuanik quliaqtuaqaqłutiŋ, suli piruanun supayaanik paaqsaaŋaruanik nalaunŋaruanun iḷisaurrutinun qanuq God-im pitqutipiaŋiñik.

1 Timothy 2:8

Kipiġniuġutigigiga sumipayaaq iñuich aŋaiyyutquvlugich isaaġutilugich argatiŋ, iñuuniaqtuaguruat iḷumun pisilugu God qinnautaiḷḷutiŋ naagga qanaaġutaiḷḷutiŋ iñupayaanun.

James 4:8

Qalliḷaaġitchi God-mun, ilaaptauq qalliḷaaġniaġmiuq ilivsiññun. Piḷuusiqirauruasii, isumalitqigitchi piḷuutiniñ savaaġiŋaravsiññiñ. Ilivsi malġuŋnik isumaqaqtuasii, kamagipiaġataqsiuŋ God. Ukpiŋŋuaqtuaguŋaiġitchi.

Revelation 21:27

Aglaan sunapayaaq salumaitchuaq isiġumiñaitchuq iniqpaŋmun naaggaunnii kiñaliqaa piḷġusiqaqtuaq naġġunapiaġataqtuanik naagga saglunmik. Aglaan kisimiŋ tamatkua atiŋich aglausimaruat Imnaiyaam makpiġaaŋiñi iñuuruatigun isiġniaqtut iniqpaŋmun.