Psalms 20:3 - Iñupiatun Mumiksat Uqalugiksuat

³ Akuqtuġligitchuq aitchuutipayaatin iviġaumaluniḷu iluqaisigun ikipkaqługich aitchuutignik.

Psalms 20:3 Iomraidhean Croise

Genesis 4:4

Aasiiḷi Abel qaġġirriŋaruq aŋayukłiġmik imnaiyaamik iġñimman imnaimi iḷaŋat, tuqułługu, aasii aitchuutigivlugich niqigigñiqtaŋich. Atanġum iviġaumagiŋagaa Abel aitchuutigiraŋiḷḷu,

Psalms 128:5

Atanġumtuq quviasaaġlisin Zion-miñ! Qanuqtuq qiñillayumagiñ piḷḷuataqpan Jerusalem iñuuniqtutilaaġni!

Psalms 134:3

Atanġumtuq, savaŋaruam qiḷagmiglu nunamiglu, quviasaaġlisin Zion-miñ!

Psalms 51:19

Tavraasiiñ iviġaummatigiḷḷasiyumagitin nalaunŋaruat aitchuutit, iviġaummagivlugiḷḷu ikipkaŋaruat aitchuutit; aŋusalluniglu aitchuiḷḷasiyumaugut ikipkaivigñi.

Leviticus 9:24

Tavraŋŋatchiaq Ataniq qaipkaiŋaruq igniġmik, aasii ikipkaqługich aitchuutauruat qaunnaviñġiḷḷu ikipkaivigmiittuat. Iñuich tautukkamirruŋ avaallaŋarut aasi punŋarut kiiññatiŋ aksiutivlugich nunamun.

Acts 10:4

Tavra takunnaakkiutiŋagaa isaġulik iqsiḷḷaġmi, aasii uqallakłuni, Suna Ataniiq. Isaġulgum kiuŋagaa, God-im akuqtuŋagai aŋaiyyutitin, savaatillu nagliktuiñikun, suli itqaŋagaatin.

Ephesians 5:2

Piviuttaqqutiqpaqaġitchi allanun iñuŋnun, maliġuaġlugu tuvraaksriutaa Christ piviuttaġivluta aitchuutigiŋaruq inmiñik God-mun tuqutauvluni piḷuutaiġukłuta. Tainna pikami, iviġaŋagaa God, taipkunatun ikipkairuatun niġrutinik aitchuikamiŋ ilaanun.

1 Peter 2:5

Qaisitchi Ataniġmun, isummatigilusi ilivsiññik uyaġaktun iḷiḷusi iñuugaluaŋŋavsi, Atanġum atuġumagaasi nappaġumiuŋ qiñiġnaitchuaq aŋaiyyuvikpani. Aasii ilivsi inniaqtusi Atanġum piḷuutaitchuatun aŋaiyyuliqsiqpaŋisun. Aŋaiyyuliqsiqpaich tuqutchisuuruatun niġrutinik aasii aitchuutigivlugich Ataniġmun ikipkaiviŋmi, tainnatulli aitchuiyumiñaġniaqtusi aŋaiyyutivsiññik nanġautivsiññiglu God-mun Jesus Christ-kun, aasii taamna akuqtuġnaġumiñaġniaqtuq ilaanun.