Psalms 2:2 - Iñupiatun Mumiksat Uqalugiksuat

² Umialiŋich aasii paaqłaŋasivḷutiŋ, Atanniqsuiriŋich atautchimukhutiŋ sivunniuġaqtut paaqłaŋaruanik Ataniġmun paaqłakługulu umialiksraqtaaġikkaŋaa.

Psalms 2:2 Iomraidhean Croise

Psalms 110:5

Ataniq taliqpigñiisimaaqtuq; qinnaliġumi, akiisitaġiniaġaich umialgich.

Psalms 2:10

Uvva naalaġnisiuŋ una kiliktuun, ilivsi umialguruasii; iḷitchivigisiuŋ, ilivsi igliġurriruasii nunamik:

Psalms 45:7

nakuaqsrirutin iluaqtuamik aasi uumigivlugu piḷuktuaq. Tainnaqhuni God-im, ilvich God-ikpich, piksraqtaaġiŋagaatin suli quviasuutiksrił̣haaqłutin allaniñ unnii umialguruaniñ.

Psalms 48:4

Umialgich katinŋarut aasii aullaqivlutik Zion tuŋaanun.

Psalms 48:5

Tavraaglaan tautukkamirruŋ, aliuġutchaktut; iqsitchakhutiŋ qimaasiññaqtut.

Psalms 74:18

Aglaan itqaumalutin, Atanġuruatiin, akiḷḷiqpich kipagigaatin, isumalluaġiitchuat iñuich pisaaŋŋatikun suuŋiḷaġigaat atqiñ.

Psalms 74:23

Piiguġnagich saqłautiŋich akiḷḷiqpich, nipaalaugaqtuaġniŋat ataramik akiḷḷiġiraqpich.

Psalms 83:6

iñuŋiñik Edom suli Ishmaelite-guruanik; iñuŋiñik Moab suli Hagrite-guruanik;

Psalms 89:20

Kivgaġa David umialiguqtinŋagiga uqsruqtaaqługu salumaruamik uqsrumik.

Exodus 16:7

Uvlaami tautugniaġiksi Atanġum, itqatauniŋata qaumaniŋa. Tusaaŋagaasi uqaviḷuutigavsiuŋ—ii, ilaa paaqłakługu, qanukkii uvva uvaguk savaaġisiññaġivuk piraksriqsuutiŋi.”

Proverbs 21:30

Iñuum isumattutaa, puqigñiŋa, kaŋiqsimmataa— ikayuutauŋitchut Atanġum akiḷḷiqsuqpatin.

Matthew 2:16

Tavra Herod, iḷitchuġikami sagluqitilaamiñik iḷitchiruanun, qinnalipiaġataŋaruq. Aasii piraksriiŋaruq tuquġaquvlugich iluqaisa aŋugaurat ukiuqaqtuat malġugnik naagga inuŋallaktuamik Bethlehem-miittuat iluqaaniḷu tamattumani nunami, miksrautchaqługu taimani nalupqinaiyaani iḷitchiruaniñ.

Matthew 26:3

Tavra aŋaiyyuliqsiqpaich umialiŋnaŋiḷḷu Jew-guruat katinŋarut igluqpaŋanun aŋaiyyuliqsiqpaich qaukłiata, atiqaqtuam Caiaphas-mik.

Matthew 26:59

Tavra aŋaiyyuliqsiqpaiḷḷu iluqaġmiglu uqaqsitaaqtitchirit ivaqłiaŋarut patchisiksranik saglutigilugu uqautigisukługu Jesus, tuqutchukługu.

Matthew 27:1

Uvlaatchaurami iluqaġmiŋ aŋaiyyuliqsiqpaich umialiŋnaŋiḷḷu Jew-guruat sivunniuqatigiiŋarut Jesus-kun tuqutchukługu.

Luke 13:31

Taavrumanipiallak ikarraġmi iḷaŋich Pharisees qaiŋarut, aasii uqallautivlugu Jesus, Aullaġiñ maaŋŋa, qanuq amma Herod tuqutchukkaatin.

John 1:41

Ilaan paqitqaaŋagaa aniqatini Simon, aasii uqallautivlugu, Paqinŋagikput Messiah (sivuniqaqtuaq Christ-mik).

John 15:23

Iñuum uumikłiqsuam uvamnik uumigimmigaaptauq Aapaga.

John 3:34

Iñuk God-im tiliraŋa uqaqtuq uqaluŋiñik God-im, qanuq God-im aitchuġaa iluqaanik suaŋŋataanik Ilitqusiġiksuam.

Acts 10:38

Iḷisimammiusi Jesus Nazareth-miukun, God-im suaŋŋasikkaŋagun kuvivḷugu Ilitqusiġiksuani ilaanun. Iḷisimammiusi Jesus kukiḷuŋanivḷugu nakuurualiqivluni, iłuaqsivḷugiḷḷu iluqaisa iłuiḷḷiuqtitaŋi Tuunġaum, God-im itqatigivlugu.

Acts 9:4

Aasii Saul ulġuŋaruq nunamun, suli tusaaŋaruq nipimik uqallaktuamik inmiñun, Saul, Saul, summan nagliksaaqtitpiŋa?

Hebrews 1:9

Piviuttaġiŋagiñ iłuaqtualiqiniq aasii uumigivlugu pitquraiḷaġniq. God-aurutin, tavraasii Uvaŋa God, Aapauruaŋaa iliŋnun, inillaŋagikpiñ kamanaqsił̣haaqłutin iḷauraaġniñ, immiqł̣utin quviasuunmik.”