Psalms 2:12 - Iñupiatun Mumiksat Uqalugiksuat

¹² purvigilugu Ilaa; atakkii akkupapiaq qinnałłakpiaqtuq, akkupaiññaġlu tuqulutin. Quviasuutiqaġlich iluqaġmiŋ Ilaanun annaksaqtuat navianaitchuaqsiuqhutiŋ.

Psalms 2:12 Iomraidhean Croise

Genesis 41:40

Qaukłiḷiutiniaġikpiñ nunagiramnun, aasii iñugipayaaqtatka kamakkutiqaġniaqtut piraksriqsuutignun. Ataniġnaqutin tugliuniaqtuq kisian uvamniñ.

1 Kings 19:18

Kisiŋŋuqsiñiaqtuŋa 7,000-tun iñugiaktigiruanik Israel-mi, sitquġataŋaitchuanik Baal-mun suli kuniŋaitchuanik iñuuraqpaŋanik.”

Psalms 1:6

Iluaqtuagurualliasii igliġurriqaqtut qaunaksriqaqtullu Ataniġmik, Pigiiḷḷiqirilliaglaan suksraunġiutiksramignun igliqtut.

Psalms 109:20

Ataniiq, tatavsakkich akiḷḷiitka tainnaptauq uqaqtuanun pigiitchuanik akiḷḷiġivluŋa!

Psalms 2:5

Qinnallaġmiasii suakługich, iqsittualatchivḷugich aasii qinnakpautimiñik.

Psalms 2:7

Umialik uqallaktuq “Kiligutiginiaġiga Atanġum uqallausiġiraŋa. Uqallautigaaŋa: ‘Ilvich iġñiġigikpiñ; uvlupak aapaliutigigma.

Psalms 31:20

Iriġaġigitin navianaiññiŋanun nayuutiniqpich sivunniumaqłuutiŋiññiñ allat; navianaitchuamun uqqisimaaġvignun iriqługich pisaaŋŋataiññiñ.

Psalms 34:8

Ilignigli iḷitchuġisaġuŋ qanutun Ataniq nakuutilaaŋa. Quviasuktut annaksaġviqaqtuat ilaanik.

Psalms 34:9

Nanmiñiq iñugipayaaqtaŋisa qiksigilirruŋ Ataniq; Ilaanik kamaksriruat susuksiulaitchut.

Psalms 40:4

Quviasuglich ukpiqsraqtuat Ataniġmik, saanŋitchuat arguaŋŋanmun. Naakka saanŋitchuat iñuuraqpagnun.

Psalms 84:12

Ataniiq Sapiġñaqtuaguruatiin, qanutun quviasuktigivat ukpiqsraqtuat iliŋnik!

Proverbs 16:20

Kaŋiqsimmaġiksaakkich iḷisaurrusiatin, aasii piḷḷuatautiqaġniaqtutin; ukpiqqutiqaġiñ Ataniġmun aasii quviasuutiqaġniaqtutin.

John 14:6

Jesus kiuŋagaa, Uvaŋa apqutauruŋa, iḷumun ittuaġlu, iñuggullu. Kiñaliqaa Aapamukkumiñaitchuq aglaan uvapkun kisian.

John 5:23

Iñupayaanun taluġitquvlugu Iġñiq, tainnatuttauq taluġimmatun Aapa. Iñuum taluqsraŋitchuam Iġñiġmik taluġiŋiñmigaa Aapa tilisiruaq ilaanik.

Romans 10:11

Bible uqaqtut, “Kiñaliqaa ukpiqtuaq Christ-mun, nunuuraliġumiñaipiaqtuq.”

Romans 9:33

Taamna aglausimaruq Bible-ni inna, “Uvva Zion-mun iḷigiga uyaġak iñuich puukaqtautiksraŋat, uyaġak puukaqtaqtitchiruksraq iliŋiññik. Aasii iñuk ukpiqtuaq Christ-mun, uyaġaktun ittuamun, nunuuraliġumiñaipiaqtuq.”

Ephesians 1:12

Taamna pisigilugu, uvagut Jew-guruat ukpiqqaaqtuaguut Christ-mun iñuuruksraurugut iḷisimanaqsisaġlugu qanutun God-im kamanaqtilaaŋa, iñuŋnun nanġaġumiñaqsiḷugu.

1 Peter 1:21

Christ-kun ilivsi ukpiqtusi God-mun, aŋipkairuamun ilaanik tuqqunmiñ aasii kamanaqsipkaqługu, ukpiqtuiññaquvlusi annagummatiqaġlusiḷu God-mun.

1 Peter 2:6

Qanuq Bible uqaluŋich uqaqtut inna, “Piksraŋaruŋa akisuruamik uyaġaŋmik, paŋmapak iḷigiga kaŋiġalluŋmun uyaġaliutivlugu Zion-mi, aasii kiñaliqaa ukpiqtuaq ilaanun nunuuraliġumiñaitchuq.”

1 Samuel 10:1

Tavraasii Samuel-gum tiguŋagaa misuġuqtuun imalik olive uqsruŋanik aasii kuvivḷugu Saul-gum niaquanun, kunikł̣ugu aasii uqallakłuni, “Atanġum piksraqtaaġigaatin aullarrautquvlutin iñugmiñun Israel-miuguruanun. Aullatiniaġitin iñugiraŋich suli pitchaiḷiḷugich akiḷḷiiŋiññun. Aasiuvva nalunaiñŋutaq iliŋnun Ataniġmun ilvich piksraqtaaġitilaaġnik aullarrautquvlutin iñugmiñun: