3 Ququulakama Ataniġmun, annaktittaġigaaŋa akiḷḷiimniñ. Nanġaġli Ataniq!
Ququulakama Ataniġmun annaktittaġigaaŋa akiḷḷiimniñ. Nanġaġli Ataniq!
Nanġaġli Ataniq, annaksaġviga! Iḷisautisuugaaŋa aŋuyagnikun suli itqanaisimallasivḷuŋa aŋuyagniġmun.
Ataniq kamanaqtuaguruq suli nanġaqtaksraupiaqtuq; kamanaġniŋa kaŋiqsianignaġumiñaitchuq.
Ququurraqama Ataniġmun ikayuquvluŋa, salumaruamiñ qimiqqamiñiñ kiugaaŋa.
Piiqsinŋa nigatchialiqsuutaanniñ uvamnun; uqqisimaaġvigigikpiñkii.
Ataniq kamanaqtuq aasii qutchiksuaġilugu nanġaaksrauruq iniqpaŋani God-ipta, Ilaan salumaruami iġġiŋani.
Ququulaŋŋa iłuiḷḷiuġun qaikpan; annautiniaġikpiñ, ilviḷḷi nanġaġniaġigma.”
Uvaŋaaglaan ququularuŋa Ataniġmun God-mun ikayuquvluŋa, aasii annautiniaġaaŋa.
Qakuguaglaan immaimña piyukłiġñiaqpisi allanik suaŋŋataiñmipkaqługich unnii ulġusiññaaguruatun?
Ukpiqqutiqaġitchi God-mik ataramik, iñugiramaaŋ. Uqautilugu iluiḷḷiuġutipayaaġnik, atakkii annaksimaaġvigigikput.
Uyaġagilakpiñ annaksaqtuġvigilutin, ataramik ullakkumiñaqtaġa; piraksriugguiñ annautisugluŋa, uyaġagigapkiñ suli annaksaqtuġvigivlutin.
Qanutun qaumaniqaqtigivich, Kamanałhaaqłutin unnii iġġiñiñ niġrutaukkaqtuaniñ aŋuraksranik.
Ququullavigikpanŋa, kiuniaġitka; isumaaluunmun tikitpata, itqatiginiaġitka. Annautiniaġitka qutchiksiḷiġlugiḷḷu.
ilaan uqallautiginiaġaa Ataniq, “Annaksaqtuġvigigiga suli munaqsrigivlugu God ukpiqsimaaġviga.”
Ataniq kamanaqtuaguruq suli nanġaqtaksraupiaqtuq; qutchiksuaġiłhaaqtaksrauruq allaniñ god-auruaniñ.
annaurrauniaġnivḷuta akiḷḷivsiŋñiñ, suli iluqaiññiñ uumikłiqsuaniñ uvaptiŋnik.
Aasii kiñaliqaa ikayuqtaiḷiqiruaq Ataniġmun annaurrauniaqtuq.”
Ataniqpuut God-ikpullu, nalliummatirutin ilivich aitchuusiaqaġuvich nanġaunmik qiksiksraunmiglu ataniġnaqunmiglu, qanuq ilivich savaŋagitin supayaurat, suli ilivich pisuutipkun igliqtut savaaguŋarullu.