Psalms 146:9 - Iñupiatun Mumiksat Uqalugiksuat

⁹ Munaġisuugaich iglaat iñuuniaqtuat nunaptinni; ikayuġuugaich uiḷgaŋaruallu aŋayuqaagitchuallu, aglaan pigiitchualiqirauruat suksraunġiqł̣ugich.

Psalms 146:9 Iomraidhean Croise

2 Samuel 15:31

David uqallautimmanni Ahithophel iḷḷatinivḷugu Absalom-gum akił̣ł̣iqsruutaanun, aŋaiyyuŋaruq, “Tusaaŋŋa, Ataniiq, simmiġuŋ Ahithophel-gum natqiksruutaa suuŋiḷaġuġlugu!”

2 Samuel 17:23

Ahithophel iḷitchuġikami kamaginiaŋisilaamiñik, itqanaiqł̣ugu qimuktini utiŋaruq inimun aimaaġvigmiñun. Itqanaiyaqqaaqługich suġauttani, inmiñun qimiñŋaruq. Iḷuviŋagaat iḷamik iḷuvvivianun.

Esther 5:14

Tavraasii tuvaaqataatalu avilaitqatiŋisalu piyumisaaŋagaat, “Summan imña nappaisuŋitpich pimaqłuktuat qimirviksraŋannik piŋasukipiaq akimiatun isigagniqaqtuamik qutchiksigilugu? Uvlaaku uvlaami apiġigisigiñ umialik Mordecai qimitqulugu tavrani, aasii aullaqilutin quviasugutin niqinaqiruanun.” Haman-gum isumalluataġnasugiŋagai, tavraasii nappaipqaqługi qimitchivigmik.

Esther 7:10

Tavra Haman qimisauŋaruq qimitchiviḷiakkaluamiñi Mordecai-mun. Tavraasii umialgum qinnautaa qasupayaaqhuni.

Esther 9:25

Aglaan tavra Esther umialigmuŋaruq, aasii umialik aglagnik aullaqtitchiŋaruq piraksriutinik paaqłakługi Haman-gum sivunniutikkaluaŋi pisigivlugi Jew-guruat. Haman-lu iġñiġutiŋiḷu niviŋŋaqtauŋarut qimitchivigmi.

Psalms 10:14

Aglaan Ilvich qiñiġuupiaqtutin; isumalaaġutigisuugitin iluiḷḷiuġutit nagliksautillu itqanaitchuummiutin ikayuiyumavlutin. Ikayuyuitchuat inmignik qaitchuurut Ilignun; Ilvich-kii ikayuqtuaġuuvlugich aapaiŋaruat.

Psalms 145:20

Ilaata munaġisuugaich iluqaisa piqpaksriruat ilaanik, aglaan suksraunġiġñiaġaich pigiiḷḷiqirauruat.

Psalms 147:6

Ilaan qutchiksiḷiġuugaich qiñuitchuat, aglaan anmuksruġuugaich pigiiḷḷiqirauruat.

Psalms 18:26

Piġuaġniġitchuagurutin iliŋiññun piġuaġniġitchuanun, aglaan piuġrugisuugitin isumatuuqhutiŋ piḷuusiqirauruat.

Psalms 68:5

Aapauruaq aapaitchuanun, munaġiri uiḷgaŋaruanun, God-auruq salumaruami inimiñi.

Proverbs 15:25

Atanġum siquminniaġaich aimaaġviŋich arguaŋaaqtuat iñuich, aglaan qaunaginiaġaa uiḷgaŋaruam suġauttaŋa.

Proverbs 4:19

Aglaan apqutaat pigiiḷḷiqirauruat taaqtuq unnuatun. Puukaġamik tautuyuitkaat putukkisautiktiŋ.

1 Corinthians 3:19

Qanuq isumattutaat ukpiŋaitchuat asiḷiqqutauruq God-mi. Taamna sivuniġivlugu aglausimaruq Bible-ni inna, “God-im isumatusaaruat pisaupkaġaġigai ilaisa pisaasuqsaaniaġutaannun.”

Deuteronomy 16:11

Quviasupiagumausi sivuġaani Atanġum God-ivsi, taputilugich miqłiqtusi, kivgasi, Levi-m kiŋuvaaŋich, allaniñ nunaniñŋaqtauruat, aŋayuqaagiŋaruat, uiḷgaŋaruallu iñuuniaqatauruat nunaaqqivsigñi. Taamna nalautitchumagiksi nanġaiviksraqtaaŋani Atanġum God-ivsi.

James 1:27

Uvva innaittuq God-im nalaunŋarualikkaŋa iḷumutullu ittualivḷugu ukpiqtuaguniq, takulugich aŋayuqaagiŋaruat, uiḷgaŋaruallu piiḷḷiuqpata, suli qaunagiluni inmiñik piḷuksisuŋiḷḷuni nunam iñuŋisun.