Psalms 146:8 - Iñupiatun Mumiksat Uqalugiksuat

⁸ Suli qiñillasipkaqługich ayauŋaruat. Makititchuugaich tamatkua ulġuŋasiruat; nakuaġigaich iluaqtualiqirauruat.

Psalms 146:8 Iomraidhean Croise

Psalms 11:7

Ataniq iluaqtuaguruq nakuaqsrisuuruq savaalluatanik; tamatkuniŋa savaktuat iñuuniaqatiginiaġaat.

Psalms 145:14

Atanġum ikayuġuugaich iluiḷḷiuqtuat; suli kiviguugaich kataŋaruat.

Psalms 147:6

Ilaan qutchiksiḷiġuugaich qiñuitchuat, aglaan anmuksruġuugaich pigiiḷḷiqirauruat.

Matthew 11:5

Ayauŋaruat tautullasirut, tusiattuallu pisuaqtut, kiḷḷiġruaqtuqtuat mamititaurut, tusiḷḷaqtuatsuli tusaallasirut, tuquŋaruallu aŋipkaqtaurut, suli piqaqtuksrauruat tusaayugaaġiksuanik alġaqsruusiaqaqtut.

Matthew 9:30

Tavra iriŋik tautullasiŋaruk. Tavraasii Jesus piraksripiallaŋagik, Suuramikunnii uqaġnatik kimulliqaa.

John 16:27

qanuq Aapam ilaan piviuttaġigaasi ilivsi piviuttaġiŋakavsiŋa, suli ukpiliŋakavsi uvaŋa qaiŋatilaamnik God-miñ.

Acts 26:18

Tavra iḷisautiniaġitin tusaayugaaġiksuanik mumikkumiñaqsiḷugich taaqtuamiñ qaummaġiksuamun, aŋalatinŋaiġḷutiŋ Satan-mun aglaan God-mun, ukpiliġḷutiŋ piḷuutitiŋ suliqutigiŋaiqsautqulugich, suli iḷaliutiyumiñaqsiḷutiŋ God-im iñuksraqtaaŋiñun.

2 Corinthians 7:6

Aglaan God-im, qapiŋaisaaqłiisuuruam tamatkuniŋa nikatchaktitauruanik, qapiŋaisaaŋagaatigut Titus qaipkaqługu uvaptiŋnun.

Ephesians 1:18

Suli apiġigiga God iḷitchuġipkaquvlusi nalupqigiŋaiġḷugu annagumman taavrumuŋa God-im ququaŋammasi, suli iḷitchuġilugu inuaŋaiññiŋa kamanautim, God-im ilaaguaqtaŋisa kiŋuvaannaktaaġiniakkaŋat.

Deuteronomy 33:3

Atanġum nakuaġigai iñuni, qaunagigait ilaan pimaakkanii. Tainnamik puttugut isigaŋiñun kamagivlugiḷḷu pitqutiŋi.

1 Peter 2:9

Aglaan ilivsi iñuksraqtaaġirauŋarusi, Umialgum aŋaiyyuliqsiqpaŋi, ilaaguaqtauvlutiŋ Nation-guruat, God-im nanmiñiq iñuŋi, piksraqtaaguruat quliaqtuaġitquvlugich aliuġnaqtuat savaaŋi God-im, taavruma ququaġiruam ilivsiññik taaqtuamiñ ilaan aliuġnaqtuamun qaummaġmiñun.