Psalms 146:7 - Iñupiatun Mumiksat Uqalugiksuat

⁷ isivġiġuugaich nalaunŋaruakun nagliksaaqtitauruat suli niqiksrił̣ł̣ugich kaaksiuruat. Atanġum tigutaaqsimaŋaiqsitchuugaich tigutaaqtauruat.

Psalms 146:7 Iomraidhean Croise

Psalms 10:18

Tusaalugich ququullataich nagliksaaqtuat aŋayuqaagitchuallu; isivġiutigni iviġaglugich, makua iñugruiññat tatamaalatchiugaŋaiġumagaich.

Psalms 103:6

Atanġum ikayuġuugaich iluaqtuakun nagliksaaqtitauruat aŋalalluataqługich nalaunŋaruakun.

Psalms 12:5

“Uvvaaglaan qaiñiaqtuŋa,” uqallaktuq Ataniq, “Uvvakii piiḷḷiuqtuat nagliksaaqtitaurut nagriaġirauruallu iiqtuaqtuaġutigigaat nagliksautiktiŋ. Uvaŋa navianniuġutaiqsinniaġitka inuġrugiraannik.”

Psalms 136:25

Niqiksraqaqtitchisuuruq iñuggutiqapayauraqtuanun; ilaan nakuaqqutaa isuitchuamun ittuq.

Psalms 142:7

Annautiŋŋa uiġualaguma, iluaqtuakun iñuuruat katitpata nanġaġniaġikpiñ qanutun ilvich nakuugutiŋakamŋa.

Psalms 35:10

Iluqaaġluŋa uqallautiniaġiga Ataniq, “Piitchuq Iliktun ittuamik. Anniqsuġuugitin piḷguitchuat suaŋaruaniñ, iḷiappauruat nagliksaaqtitchiriŋiññiñ.”

Psalms 68:6

God-im aliasuktuaq aimmaviqaqtitkaa iñuuniaġviksraŋanik. Sivulliuġaġigai tigutaaqtat quviasuktut tigurauŋaiqamiŋ, paaqłaŋarilliaglaan iñuuruksraurut uunapiaġataqtuami nunagluktuami.

Psalms 68:7

God-iiŋ, aullatikapkich iñuktin, avluġaaqługu ikaaqavsiuŋ nunagluktuaq,

Psalms 72:4

Ikayuġligittuq piiḷḷiuqtuat iñugni suli annautilugich miqłiqtuŋich; akiisiḷḷuġiḷḷu nagliksaaqtitchirich.

Psalms 9:16

Ataniq nalunaiqsauvsaaġaqtuq nalaunŋaruatigun isivġiiraġikami, piḷuktualliasii inmignik naniqtauvlutiŋ ilaisa savaamigniñ.

Luke 1:53

Tamatkua ikayuqtisiuqtuat piqaqtuksrauvlutiŋ pisuġuiqsitkai, aasiiḷi ikayuqtisiuŋitchuat pigiraksraġikkaġmikkun ilaan pisuŋitkai.

Luke 4:18

“Ilitqusiġiksuaŋan Atanġum aŋalatkaaŋa, qanuq ilaan nalunaiqsaġiŋagaaŋa alġaqsruitquvluŋa tusaayugaaġiksuanik kamasaaŋitchuanun. [quviasaaquvlugiḷḷu isumaaġutituqtuat.] Ilaan tiliŋagaaŋa quliaqtuaġitquvlugich tamatkua aŋalatittuat piḷuunmun annaurrauyumiñaġnivḷugich, suli qiñillasiḷugich ayauŋaruat, atanġiqsitautquvlugiḷḷu tamatkua nagliksaaqtitauruat piḷuun pisigivlugu.

Luke 9:17

Tavra iluqaġmiŋ iñuich niġiŋarut niqinŋuqłutiŋ. Aasii iḷitchitqurat katinŋagaich iḷakut, qulit malġugnun aguummaŋnun.

Acts 16:26

Tavra tavraŋŋatchiaq nuna aulaqpaŋaruq, maŋŋuŋiunnii tigutaaġvium aulayyaktaallaisa. Tavraŋŋatchiaq iluqaġmiŋ upkuat upkuiŋarut, suli iñupayaam tigutaaqsimmatiŋi kalimñat kataŋarut tigutaaqtaniñ.

Acts 5:19

Taavrumani unnuami isaġulgan Atanġum upkuiŋagai tigutaaġvium paaqpaŋi, aasii annisikamigich tiliraunikun iḷitchitqurat uqallautiŋagai,