Psalms 146:6 - Iñupiatun Mumiksat Uqalugiksuat

⁶ Savaŋaruaq qiḷaŋmik, nunamik, suli taġiumik, suli supayauranik ittuanik tavrani. Ilaata taŋŋiġuugaich unniqsuqłiisigiŋarani;

Psalms 146:6 Iomraidhean Croise

Genesis 1:1

Aullaqisaami, God-im savaŋagaik qiḷaglu, nunalu.

Psalms 100:5

Ataniq nakuuruaguruq; nakuaqqutaa isuitchuamun ittuq; ilaata iḷumutuuġniŋa inniaqtuq taimuŋa isuitchuamun.

Psalms 115:15

Atanġumtuq quviasaaġumagaasi, savaŋaruam qiḷagmiglu nunamiglu!

Psalms 117:2

Qanukkii kamanaqtuaguruq ilaan nakuaqqutaa uvaptignun, suli iḷumun ittuaguniŋa isuitchuamun ittuq. Nanġaqtauli Ataniq!

Psalms 33:6

Atanġum inillaktuaŋagai qiḷaich piraksriqsuunmigun, siqiñiq, tatqiq, uvluġiallu uqallaunmigun.

Psalms 89:2

Iḷisimaruŋa nakuaqqutin inniaqtilaaŋanik taimuŋaaglaan, iḷumun ittuaguniġiñ nutim ittuaq inniaqtuq qiḷaktuttauq.

Psalms 89:33

Aglaan nakuaġiŋaiġñiaŋitkiga David unniqsuqłiisigianiŋaraġa ilaanun piŋiññiaŋitkiga.

Psalms 95:5

Taġiuq atanniqsuġaa, ilaata piḷiaġivlugu; nunaptauq, argamiñik piḷiaŋa.

Psalms 98:3

Taŋŋiŋagaa unniqsuqłiisini Israel-gum kiŋuvaaŋiññun iḷumutuuġutikullu ataramiglu nakuaqqunmigun. Iñupayaurat sumiḷiqaa qiñiŋagaat akimmataa God-ipta.

Exodus 20:11

Itchaksrani uvluni uvaŋa Atanġuruaŋa savaŋagiga nuna, qiḷak, taġiuq, suli sunapayaaq ittuaq taapkunani, aglaan tallimat malġuanni uvlut unaŋuiqsiŋaruŋa. Tavra tainnamik uvaŋa Atanġuruaŋa ilaaguaŋagiga nalunaiqł̣ugu Sabbath salumarualiuqługulu.

John 1:3

aasii taavrumuuna Uqalukun God-im savaŋagai supayaat, suli atausiuraq-unnii savaaguŋaruaq savaaguŋaitchuq ilaa piiḷḷugu.

John 10:34

Jesus kiuŋagai, Aglautiŋaruq ilivsi nanmiñiq pitquravsiññi God uqallaŋanivḷugu inna, “Ilivsi god-aurusi.”

Acts 14:15

Aŋutiit, summan tainna pivisi? Uvaguktauq uvva aŋutik iñugruiññaak irrusiqaqtuak ilivsisuttauq. Aasii maaniittugut alġaqsruutigisukługu tusaayugaaġiksuaq, mumiquvlusi tamatkunaŋŋa taŋiġitchuaniñ suniñ, iñuuruamun God-mun savaŋaruamun qiḷaŋmiglu nunamiglu taġiumiglu imaġikkaŋiñiglu.

Deuteronomy 7:9

Itqaumalugu Ataniq God-iksi kisimitualuk iḷumutun God-auruq. Nalautinniaġaa sivunniuġutini iḷisimanaqtillugulu nakuaqqunni kisiññaitchuanun kiŋuniġiiñun nakuaqsriruanun inmiñik kamaksriruanullu pitqurriutimiñik,

Colossians 1:16

Ilaa God-itun ittuq qanuq ilaagun supayaat savaaguŋarut, sut qiḷaŋmiittuat sullu nunamiittuat, sut tautugnaqtuat sullu tautugnaitchuat, tamatkua ilitqutchich atanniqsimanniktuat, ilitqusiḷḷu suaŋŋatiqaqtuat sapiġñaqtuallu. Tamatkua iluqaisa Christ savaŋagai inmiñuksrivḷugich.

Titus 1:2

iñuuyumaliquvlugich isuitchuamun. God-im suuramikunnii saglulaitchuam unniqsuqłiiŋagaatigut taavrumiŋa iñuggunmik nunaunnii isagutiŋaiñŋaan,

Hebrews 6:18

Taapkuŋnuuna malġukkun allaŋŋulaitchuakkun, unniqsuqłiisikullu nalupqinaiyautikullu, God arguanaiŋaruq sagluyumiñaisilaamiñik. Uvagulli annaksaŋaruaguut qamannirviŋmun God-mun piyumalaaġusiqł̣uta piññaktaaġiyumavlugu annaun aitchuutigisukkaŋa.

Revelation 14:7

Tavra ilaa uqallaŋaruq nipatuvluni, Qiksiksrautiqaġitchi God-mun nanġaġlugu kamanautaagun, qanuq isivġiiñiksraŋa iñuŋnik tikitchuq. Puttitchi qiksigilugu sivuġaanun God-im savaŋaruam qiḷaŋmik nunamiglu, taġiumik maqsraluktuanik imiġnik.