Psalms 143:8 - Iñupiatun Mumiksat Uqalugiksuat

⁸ Iḷisimapkaġuŋ uvlaatuaġman ataramik nakuaqqutin ittuaq, qanukkii ukpiġigikpiñ. Aŋaiyyutiqaqtuaqtuŋa iliŋnun; iḷisautiŋŋa iglauyaaksramnik.

Psalms 143:8 Iomraidhean Croise

Psalms 119:34

Puttuqsripkakkich pitquratin uvamnun, aasii kamaginiaġitka; Kamaginiaġitka iluqaaġlugu uummatiga.

Psalms 119:73

Savaaġiŋagigma ilvich, anayanniuqtitchuitkigma; kaŋiqsiumapkaŋŋa, iḷitchumagitka pitquratin.

Psalms 143:10

Iḷisautiŋŋa pisuutignik; qanuq ilvich God-igigikpiñ. Ilitqusiḷḷuataqpich aullatiliŋa anayanaitchuakun apqutikun.

Psalms 25:20

Munaġiŋŋa annautiluŋalu; kanŋutchaipkaġnaŋa, qanuq Annaksaġvigigikpiñ.

Psalms 27:11

Iḷisautiŋŋa, Ataniiq sutqugumŋa, igliġutiluŋaasii navianniuġnaitchuakun apqutikun, iñugiaktutkii akiḷḷitka.

Psalms 30:5

Qinnautaa akkupauraq itchuuruq, nakuuniŋa itchuuruq iñuuniqtutilaatun. Qulviuġnaġaluaqtuq unnuami, aglaan quviatchagnaġmiuq uvlaami.

Psalms 32:8

Ataniq uqallaktuq, “Uvaŋa iḷisautiniaġikpiñ apqutiksraġirapkun; Siḷġiqsuġutin munaġilutillu.

Psalms 42:8

Atanġuptuq maniuġliuŋ nuŋulaiḷaaq nakuaqqunni uvluuŋŋaan, atuutiqallasiyumauŋa unnuami, aŋaiyyuluŋalu God-iŋanun iñuggutigma.

Psalms 46:5

God nayuutiruq taaptumani iniqpagmi, suksraunġiqsauyumiñaitchuami; qausaġataqpan aggiġñiaqtuq anniqsuġiaġlugu.

Psalms 5:8

Ataniiq, iñugiaktuanik akiḷḷiukkaqtuŋa! Igliġutiŋŋa pisuutikkuaquluŋa; apqusiuqtallu uvamnun maliġuayunaqtillugu.

Psalms 59:16

Uvaŋaaglaan atuutigiugaġniaġiga ilvich suaŋŋatin; uvlaatuaġaġikpan nipatusiḷuŋa atuutugilugu quviasuutikun nuŋulaitchuaq nakuaqqutin. Ilvich qanuq annaksimaaġvigivlutin, ini anayanaitchuaq iłuiḷḷiuġnimni,

Psalms 86:4

Kivgaġiran quviatchaktirruŋ, Atanġuruatiin, aŋaiyyutitkakii takpamuŋa iliŋnuguurut.

Psalms 90:14

Immiqsimaaqtigut uvlaatuaġaġikpan nakuaqqutiġpagnik, atuutiqaġumaugut suli quviasuutiqaġluta iñuuniqtutilaaptiktun.

1 Samuel 23:12

“Aasii iñuŋisa Keilah-m aitchuutiginiaqpatigut uvaŋalu iñutkalu Saul-mun?” David-gum apiġilgitkaa. “Qaiññiaġaasi,” Atanġum kiugaa.