Psalms 139:2 - Iñupiatun Mumiksat Uqalugiksuat

² Iḷisimasuurutin aquvinnama suli makinnama; kaŋiqsimagitin isummatigiratka uŋasikkaluaqtuamiñ.

Psalms 139:2 Iomraidhean Croise

Genesis 16:13

Hagar inmiñun apiġiruq, “Tautupiaqpiguimña God aasii iñuuvluŋa quliaqtuaġillavlugu?” Tavraasii atchiŋagaa Ataniq, uqaqtuaq inmiñun, “God-im Tautuguugaaŋa.”

2 Kings 19:27

“Iḷisimagigaaglaan sunapayauraq ilivsigun, suliqitilaaqsi suli sumuktilaaqsi. Iḷisimaruŋa qinnautiqpaqaqtilaaqsi uvamnun.

2 Kings 6:12

Iḷaŋata kiumagaa, “Nalliqput unnii piŋitchuq, Umialiik. Uqaqtauruam God-mun Elisha-m uqallautisuugaa umialga Israel uqalugnik nalunaqtuamiunnii uqaġaluaqavich inauraġni.”

Psalms 44:22

Aglaan ilvich pisigivlutin uvagut tuqutaugaluamiiqtugut, aŋalatchiqhuta imnaisun tuqutaksrauruatun.

Psalms 56:8

Iḷisimagigma qanutun iluiḷḷiuqtilaamnik; nalunaiqsimagitin agliurruqługich qulvitka. Agliusimaŋitpat makpiġaaġni?

Psalms 94:11

Atanġum iḷisimagaich isumagiravut; iḷisimaruq asiḷiqqutautilaaŋat isumalaaġutigirapta.

Proverbs 15:3

Atanġum qiñiġaa sunapayaaq; ilaan qiñiġaatigut, iluaqtuakuaġapta naagga piġiitchuakuaġapta.

Matthew 9:4

Tavra Jesus iḷisimavlugich isumaŋich uqallaŋaruq, Summan pigiitchuanik isumavisi?

Luke 9:47

Tavra Jesus puttuqsrikamiuŋ isumaŋat kamanaġumaruaq, ilaan tiguŋagaa miqłiqtuq aasii saniqqamiñun inillakługu.

1 Corinthians 4:5

Uqaġnasi iñuich pasiraksraġuġniḷugich isivġiġvium sivuani, Atanġum qaiviksraŋata sivuani. Atanġum qaigumi, ilaan salapqiġñiaġai iluqaisa iriqsimaruat, suli salapqiġḷugich iñuich nalunaqtuakun sivunniuġutiŋich. Tavraniasii iñupayaaq nalaunŋaruakun God-im akiḷiġñiaġaa.

Deuteronomy 31:21

Atqunaq iḷuiḷḷiuġutit apqusaaġniaġaich. Aglaan una atuun atuŋaiġñiaŋitkaat, inillaŋaniaqtuq paaqłautauluni iliŋiññun. Akkupak unnii, tikiutiŋaiñŋaisa nunannaktaaġipkaġniaġniramnun iḷisimagitka qanuq isummatiqaqtilaaŋiññik.”