1 Qanutuaglaan imña puiguummiñiaqpiŋa, Ataniiq? Isuiḷaamik? Qanutun sivisutigilugu iriqsimaniaqpich uvamniñ?
Summan avuunnaaqtuqpiŋa? Summan akiḷḷiġiruatun aŋalatpiŋa?
Ataniiq, tatavsakkich makua piḷuusiqirit! Puiguġniaġnagich tamatkua nagliksaaqtuat!
Qanutuvsaaq, Ataniiq, qiñiqsiññaġniaqpich? Annauttuŋŋa piyuutaanniñ; annauttuuŋ iñuggutiga makkunaŋŋa laiyaalugniñ!
Summan iriqsimavich? Puiguġnagu kiiqsiuġniqput isumaaluutikpullu!
Sulliñipayauraġauvva iluiḷḷiuliqpaktuq. Qakuguaglaan imña, Ataniiq, ikayuġumaliġisiviŋa?
Summan imña suksraaŋavisigut inna, God-auruatiin? Summan qinnautiŋavigi tuavallaktiłługi imnait niġiñiaġvigñi?
Qanutun imña sivisutigiruamik, Ataniiq Sapiġñaqtuaguvlutin God-tauruatiin, qinnaŋŋatiginiaqpigich iñugiraqpich aŋaiyyutiŋich?
Uumisuutiniaqpisigut imña isuitchuamun? Qinnautiŋaniaqpisigut taimuŋaaglaan?
Ataniiq, iriqsimaniaqpich imña isuitchuamun? Qanutuaglaan imña qinnautin ikualaniaqpa igniqtun?
Immiqsimaaqtigut uvlaatuaġaġikpan nakuaqqutiġpagnik, atuutiqaġumaugut suli quviasuutiqaġluta iñuuniqtutilaaptiktun.
Tainnasiq nalautitpan qinnautiniaġitka; nayuŋaiġñiaġitka, aasii suksraunġiqsauniaqtut. Iñugiaktuat iḷuirrutiqpait apqusaaġniaġait aasii puttuqsriñiaqtut nalautchaaqtilaamiŋnik tainnatchiñik, uvaŋa God nayuŋaiġapki.