Psalms 11:4 - Iñupiatun Mumiksat Uqalugiksuat

⁴ Ataniq salumaruami aŋaiyyuvikpagmiñiittuq; aquppiviqaqtuq qiḷagmi. Ilaan qiñiqtuaġuugai iñuich sumipayauraq iḷisimammigai suliqitilaaŋiññik.

Psalms 11:4 Iomraidhean Croise

Makpiġaaŋa Job-gum 24:23

God-im iñuupkaġumiñaġaluaġuugai tutqiksiłługich, aglaan naipiqtupiaġataqługich.

Psalms 103:19

Atanġum inillaŋagaa aquppiutaqpani qiḷaŋmi; suli umialgutaa aŋalatchiruq supayauranik.

Psalms 113:5

Kimik unnii iñuitchuq Ataniqtun God-iptiktun ittuamik. Qutchiksuami iniqaqtuq,

Psalms 139:23

Qanuqitilaaŋŋa, God-auruatiin, iḷitchuġilugulu uummatiga; uuktuŋŋa, suli iḷitchuġilluataġlugich isumaaġutitka.

Psalms 14:2

Atanġum anmun qiḷagmiñ qiñiġuugaatigut iñugruiññaich tautugukługich isumaturuaqaġmagaisa, inmiñun nalliŋich aŋaiyyummagaisa.

Psalms 18:6

Iłuiḷḷiuġnimni ququulaaqsigiga Ataniq; Ququullavigigiga God ikayuquvluŋa. Aŋaiyyuvikpagmiñi tusaagaa iġñaga; tusaaŋagaa nipaallatiga ikayuquvluŋa.

Psalms 2:4

Qiḷagmi aquppiutamiñiñ Ataniq iglaqtuq kipagigaich.

Psalms 33:13

Ataniq anmun qiñiqtuq qiḷagmiñ qiñiġaich iñupayaat.

Psalms 44:21

iḷumutupiaq iḷitchuġiniaġaluaqtusi, atakkii iḷisimagitin isumavut suiḷaurrisit unnii.

Psalms 66:7

Atanniqsuiruq isuitchuamun suaŋŋanmigun naipiqtuġaich nunaqpaich. Paaqłaguguuruat akiḷḷiqsruŋiḷḷirruŋ.

Psalms 9:11

Atuġitchi nanġaġlugu Ataniq, atanniqsuiruaq Zion-mi! Nunauruat uqautisigich Ilaan savaaġiŋaraisigun!

Proverbs 15:3

Atanġum qiñiġaa sunapayaaq; ilaan qiñiġaatigut, iluaqtuakuaġapta naagga piġiitchuakuaġapta.

Matthew 23:21

Suli iñuum unniqsuqłiikami atuqługu uqaluk aŋaiyyuvikpak, taputimmigaa God ittuaq tavrani.

Matthew 5:34

Aasiiḷi uqallautigivsi, Unniqsuqłiiguvsi ukpiġnaqsiḷiġniatagnagu atuġlusi suaŋaruanik uqaluŋnik. Atuġnagu qiḷak uqaluvsiññi, qanuq God umialguruq tavrani.

Acts 7:49

“Inna uqaqtuq Ataniq, qiḷak iksivautaġigiga umialgunimni, suli nuna isigagma tunŋavigivlugu. Qanutchimik igluqpiñiaqpisiŋa? Naagga sumi iniqaġniaqpik minġuiqsiġviksramnik?

2 Thessalonians 2:4

Taamna iñuk akiḷḷiḷiqsuiñiaqtuq qanusipayauramik god-mik, naagga supayaamik iñuich aŋaiyyuvigikkaŋannik, inmiñun kamanałhaaqtualiuġluni tamatkunaŋŋa. Inmiñik unnii kamanałhaaqtualiñiaqtuq God-miñ, aquppiḷuniḷu God-im aŋaiyyuvikpaŋani, uqavigaaġutigiluni inmiñik God-auniḷuni.

Hebrews 4:13

Suli God-im sivuġaani qanusipayaaq uumaruaq iriqsimaŋitchuq, aglaan supayaat aŋmarut tallutaitchullu irraŋnun ilaan isivġiiyumaaqtuam uvaptiŋnik.

Revelation 4:2

Tavrauvvaa Ilitqusiġiksuam aŋalanŋagaaŋa, aasii tautukługich umialgum aquppiutaŋi qiḷaŋmi, taamnalu aquppiruaq aquppiutani.