Psalms 101:3 - Iñupiatun Mumiksat Uqalugiksuat

³ iviġaumaginiaŋitkitka killukkuaqtautit. Uumigigitka piraġausiŋich saquruat unił̣ł̣ugu God; Iḷaksruutiniaŋitchuŋa iliŋiññun.

Psalms 101:3 Iomraidhean Croise

Makpiġaaŋa Job-gum 31:1

Unniqsuqłiiḷḷuataŋaruŋa uvamnun qiñiġuŋił̣ł̣ugu niviaqsiaq kaviuqqutikun.

Psalms 119:113

Uumigigitka iḷumuuŋitchuat ilignun, aglaan nakuaġigitka pitquratin.

Psalms 119:37

Qaunakkutiqaqpaisinŋaiŋŋa anniqsuutauŋitchuanun; nakuutiŋŋa, unniqsuqłiutiktun.

Psalms 125:5

Aglaan tamatkua saquruat pigiiḷḷiqunmun, Atanġum piiqsinniaġaich piqatigilugich pigiiḷḷiqirauruat. Tutqiun illi Israel-mi!

Psalms 139:22

Uumigigitka uumigipiaġataqługich; Isummatigigitka uvaŋaptauq akiḷiqsruġivlugich.

Psalms 14:3

Aglaan iluqatiŋ killukuaŋarut; iluqatiŋ ativlutiŋ piḷuktut. Iḷaŋat unnii iluaqtualiqilaitchuq, atausiuraq unnii.

Psalms 36:3

Uqausiŋat piḷuktuq suli siḷivinŋarut sagluuġutinik; Isumattutaiŋarut nakuurualiqillaiqłutiglu.

Psalms 39:1

Uqallaktuŋa, “Qaunakłaaġniaqtuŋa surġausipkun suli qanimnun piḷuksipkaquŋiḷḷuŋa qaunakłaaġniaqtuŋa; uqaġniaŋitchuŋa piḷuktuat nayuutiŋŋaisa.”

Psalms 40:4

Quviasuglich ukpiqsraqtuat Ataniġmik, saanŋitchuat arguaŋŋanmun. Naakka saanŋitchuat iñuuraqpagnun.

Psalms 41:9

Avilaitqatipiaġataġma, ukpiġipiallaktaġma, aviktuaqatigma niqinik, akiḷḷiḷiqsuliġaaŋa.

Psalms 78:41

Qavsiiqsuaqługu uuktuġaġigaat God qinnaguksaaqługu Salumaruaq God-iŋat Israel.

Psalms 78:57

aglaan paaqłaguuŋaniqsut kamaksriḷaił̣ł̣utiglu maŋŋuumiktitun, ukpiġnayuiñŋarut saquŋaratun pisiksim qaġruatun.

Psalms 97:10

Nakuaqsriruat Ataniġmik, uumigilirruŋ pigiitchuaq; munaġiraġigaich iñuusiŋich piŋitqataalaitchuat annautivlugiḷḷu suaŋŋataanniñ pigiiḷḷiqirauruat.

Exodus 20:17

“Aŋŋuu, kaviuġiniaġnagu allam iñuum igluŋa; kaviuġiniaġnagu nuliaŋa, kaviuġiniaġnagich kivgaŋich, pamiqsaaŋich, kakaktiŋich, naaggaunnii supayaat ilaan pigiraŋich.”

Exodus 32:8

Unisanikkaat apqun piraksriutigiraġa maliġitquvlugu; aŋusallumik nuġġaliuŋarut auktitamiñ kaviqsuamiñ manigmiñ suli nanġaqługu aitchuivigivlugulu ikipkautinik. Uqaqtut tavragguuq iliŋisa god-iŋat, aullarrigiŋaraŋat Egypt-miñ.

Proverbs 6:12

Iñupałłuich, piḷuusiqirit kukiḷugniaqtut sagluuġutik.

Proverbs 6:13

Iriŋmigaqhutiglu, aulałługiḷḷu isigaktiŋ, naakka tikkuaqtuġhutiglu sagluqisukhutin,

Proverbs 6:25

Piyumitchaktaunak aġnaġigñilugich; akiiḷipkaġnak iriŋmigaqpatin.

Proverbs 8:13

Qiksiginiaqtuni Ataniq uumiginaqtuq piḷuktuaq: uumigigigitka kamasaaġniq suli arguaŋaaġniq, pigiitchuat iñuusit suli piuŋiḷat uqaluich.

Matthew 5:28

Aglaalli uqallautigivsi, iñupayaaq qiñiqtuaq aġnamun ikł̣igivlugu, allatuaniktuq isumamiñi.

Romans 12:9

Piviuttaġisigik iñuich iḷumutun. Uumigisiuŋ pigiitchuaq, nakuurualiqillatusitchi.

Galatians 4:9

Aglaan paŋmapak iḷitchuġiŋagiksi God, naaggałhaaq God-im iḷitchuġiŋagaasi, summan aasii utiġukpisi aŋalatiqavsaaġniġmun pitquranik, iñugruiññaiḷḷu piḷġusiŋiññun nakuurualiqinikun, annaurriyumiñaitchuanun ilivsiññik?

Deuteronomy 13:17

Tutquqsiñiaġnasi supayaamik taaptumaŋŋa suksraaqtauganiŋaruamiñ, Atanġum qinnautiqpagmiñiñ mumiguni nagligiliġumagaasi. Ilaan nagligiliġḷusi iñugiaksipkaġniaġaasi atqunaġlusi, unniqsuqłiunmisun maŋŋuuvsigñuñ,

Deuteronomy 15:9

Attaqsipkaŋiññasigik, qallisiññaġniḷugu ukiuq akiiḷanik puiguiñiksraun. Isummiġñasi pigiitchuamik attaqsipkaiyumaŋiḷḷutin, Ataniġmignun iŋiulaviaqtut ilipkun, aasii pasikkusiaqaġlutin.

Hebrews 10:39

Aglaan ami uvagut iḷaliqsuutiŋitchugut tamatkunuŋa tununniktuanun Ataniġmik aasii suksraunġiqsauvlutiŋ, aglaan iḷaurugut tamatkunuŋa ukpiqsimaaqtuanun aasii annaurrauvluta isuitchuamun.

2 Peter 2:21

Iłuałhaaŋanayaġniqsuq tainnaqtuat iñuich isuaniñqaŋa naluugaaġumiŋ iłuatun iñuuniaġusiksramik, iḷitchuġigaluaqqaaġlugu iłuatun iñuuniaġusiksraq ayyaigaqsiñiġmiñ God-im pitquraŋiñik iḷisausiamiŋnik.

1 John 2:19

Tamatkua iñuich piqataupiaġlutiŋ uvagut iñuptiŋnun piŋaitchut, aasii tainnaiłłutiŋ qimautiŋarut uvaptiŋniñ. Piqataupiaġumiŋ uvaptiŋnun, nayuġumiñaŋagaluaġaatigut. Tavra qimaŋagaatigut iḷisimanammaġiksitquvlugu nalliat unnii piqataupiaŋisilaaŋanik uvaptiŋnun.

1 Samuel 15:11

“Nunuuraqtuŋa summan Saul umialiguqtinnapku, ilaan tununŋagaaŋa uvaŋa suli kamagiŋiñmivḷugich piraksriutitka.” Samuel qinnaliŋaruq, aasii unnuaqtutilaaŋatun iŋiqsruġvigiŋagaa Ataniq.