3 Iḷisimaaġilugu Ataniq God-autilaaŋanik. Piḷiaġiŋagaatigut, aasii ilaata pigivluta; iñugigaatigut imnaimisun iłłuta.
Tavraasii Ataniiq God-igiraptigiñ, annautisigut Assyria-ġmiuniñ, iluqaġmiŋ nunaqpaupayaaqtuat nunami iḷitchuġiyumaut kisivitualuk, Atanġuruatiin, God-autilaaġnik.”
Iłuaġnasugivisiuŋ uvva nagliksaaqtitkavsiñŋa? Summan iñugluaqpiŋa ilvich savaan taimmaasii iglaŋauraaqługich piḷuusiqirit sivunniuġutiŋich?
Savaaġiŋagigma ilvich, anayanniuqtitchuitkigma; kaŋiqsiumapkaŋŋa, iḷitchumagitka pitquratin.
“Qanipta pisuktaptignik piññaktittaġigaatigut. Nivliraġniaqtugut qanuq uqaġukkupta, kia unnii nutqaqtinniaŋitkaatigut.”
Quyyatiqaġitchi, Israel-guruasii, ilaata savaaġiŋaraasi; quviasugitchi, iñuŋich Zion, pisigilugu umialiksi!
“Nutqaġitchi,” Ilaa uqallaktuq, “iḷisimalusi God-autilaamnik, qutchiłhaaqtuaq nunaqpaupayaaqtuaniñ, atanniqsimaaqługulu nuna.”
Tavraasii aullativlugich iñuni imnaiḷiqiritun suli sivulliqsuaqługich nunagluktuami.
Tavraasii uvagut, ilvich iñutin, imnaiguruat niġiñiaġvigiraġni, quyyatiqaġniaqtugut iliŋnun isuitchuamun suli kiŋuniġiiksuani nanġaġniaġivsigiñ taimuŋaaglaan.
Atanikkii God-auruq suaŋŋatiqaqtuaguvluni, umialik qutchigñiqsrauruaq god-ipayaaniñ.
Iñugiliutiniaġivsi uvaŋa nanmiñiq, suli ilivsiññun God-auniaqtuŋa. Iḷisimaniaqtusi uvaŋa Ataniq, ilivsi God-igiraqsi, atanġiqsitkivsi kivgaunivsiññiñ Egypt-mi.
Aasiuvva isuitchuaq iñuggun, ilaisa iḷitchuġivlutin kisivisualuk iḷumun God-autilaaġnik, suli Jesus Christ ilivich tiliŋakkan.
God-im uqallaŋaruam uumiŋa, “Qaummaum simmausiġḷiuŋ taaqtuaq,” kaŋiqsipkaŋagaatigut aliuġnaqtuamik kamanautaanik Christ. Ilaimña ilaan simmausikkaŋa taaqtuaŋa uummatipta ilaan qaumaniġmiñik, uvaptiŋnun iḷitchuġipkaqługu ilaan qaumanini takunnaqaptigu Jesus kiiñaŋa.
Aglaan God ilaa allaŋŋuqtitchiŋaruq uvaptiŋnik, atausiŋŋuqataullasivḷuta Christ-mun, iñuulluatallasitquvluta. God sivuniqaŋaniqsuq iŋiḷġaan tainna iñuuruksrauvluta.
“Atanġum iñuŋi umiallakkaluaqłutik paaqłaŋasirut; quiññakpaił̣ł̣utiŋ naaqsunŋuugaqtualiġmiut. Suksraaqługu God Iñiqsiktiŋ; ayyakługu Suaŋaruaq Annaurriktiŋ.
Tainna tavra ilivsi aŋalanniaqpisiuŋ Ataniq, isumalluaġiitchuasii, aamaŋaaqtuasii iñuich? Uvvahii Aapagigiksi, Iñiqsiriksi, nunaqpaguqtinŋammigaasi.
Atanġum maniuġvigiŋagaasi tainnaittuamik, nalunaipiaqsaqługu ilivsiŋñun kisimi God-autilaaġmiñik, allamik god-aitchuq.
Itqaumasigiŋ uvlupak puiguiñiaġnasi Ataniq God-autilaaŋanik qiḷaŋmi nunamiḷu. Allamik God-aitchuq.
Itqaumalugu Ataniq God-iksi kisimitualuk iḷumutun God-auruq. Nalautinniaġaa sivunniuġutini iḷisimanaqtillugulu nakuaqqunni kisiññaitchuanun kiŋuniġiiñun nakuaqsriruanun inmiñik kamaksriruanullu pitqurriutimiñik,
Qanuq tammaŋaruaguŋarusi imnaisun, aglaan paŋmapak utiŋarusi Imnaiḷiqirimun Qaunaksriŋannullu ilitqusivsi.
Aglaan ilivsi iñuksraqtaaġirauŋarusi, Umialgum aŋaiyyuliqsiqpaŋi, ilaaguaqtauvlutiŋ Nation-guruat, God-im nanmiñiq iñuŋi, piksraqtaaguruat quliaqtuaġitquvlugich aliuġnaqtuat savaaŋi God-im, taavruma ququaġiruam ilivsiññik taaqtuamiñ ilaan aliuġnaqtuamun qaummaġmiñun.
Tavraasii iñuich nagliksaaqtitauruat God-im pisuutaagun, nakuurualiqilich qaunagipkaġlutiŋ iñuġuqtitchiŋaruamun inmiŋnik ataramik taŋŋiisuuruamun unniqsuqłiiñmiñik.
Aasii iḷisimarugut Iġñiŋa God-im qaiŋaruq aasii kaŋiqsipkaqłuta iḷitchuġiyumiñaqsivḷugu iḷumun ittuaq God. Aasii uvagut atausiŋŋuqatauŋarugut iḷumun ittuamun God-mun, Iġñiŋanullu Jesus Christ-mun. Ilaa iḷumun ittuaq God, suli isuitchuamun iñuggutauruaq.