Psalms 10:4 - Iñupiatun Mumiksat Uqalugiksuat

⁴ Piḷuktuaq suunnaqaŋitchuq Ataniġmik; Arguaŋŋanmigni God isummatigisuugaat suunnauŋitchuaġivlugu.

Psalms 10:4 Iomraidhean Croise

Genesis 6:5

Atanġum qiñiqługu qanutun piḷuktualiqiriġuqtilaaŋiññik iñuich nunami qanutullu pigiitchuałhiñanik isumasiññaliġmata ataramik,

Makpiġaaŋa Job-gum 22:17

Tavra tamatkua iñuich ayaktuŋagaat God ukpiqłutiŋ iḷaksianiaŋiññasugivlutiŋ Sapiġñaqtuamun.

Psalms 101:5

Tuqqunniaġiga kiñapayaaq uqautikłiqsuaq nalunaukkivḷuni maqutchivḷuni siḷallimiñik; Manimmisiqaġniaŋitchuŋa kimulliqaa kamanniraaqtuamun arguaŋaaqtuamullu.

Psalms 18:27

Annautisuugitin piunialaitchuat, qumalluktiłługich aglaan tamatkua piunialaruat.

Psalms 27:8

Uqallakkavich, “Qaiḷutin ivaġiaŋŋa,” kiugikpiñ, “Ivaġniaġiga kiiñan, Ataniiq.”

Psalms 36:1

Piḷuun uqaurrisuuruq piḷuktuanun itisivḷugu qamani uummataiññun; ayyaktuġaat taluġiŋił̣ł̣ugu God.

Psalms 53:1

Isumalluaġiitchuat inmigni uqallagaqtut, “God-aitchuq imña.” Iluqaġmiŋ piaġiitchuagurut, savaguummiut naġġunapiaġataqtuanik suraġautchiñik; atausiq unnii iluaqtualiqiŋaitchuq.

Psalms 73:11

Uqaġaqtut, “Qanuġluni God iḷisimaniaqpa? Qutchigñiqtauruaq iḷisimmatiqaqpa?”

Exodus 5:2

“Kiña uvva Ataniq?” Pharaoh uqallaniqłaktuq. “Summan naalaġniñiaqpigu suli aullaqtillugich Israel-gum kiŋuvaaŋich? Nalugiga uvaŋa Ataniq; suli aullaqtinniaŋitkitka Israel-gum kiŋuvaaŋich.”

Proverbs 21:4

Pigiiḷḷiqiruat iñuich atanniqsimapkaqtut inmignun qutchiginiġmignullu arguaŋaaġniġmignullu, tainnainniq piḷuutauruq.

Proverbs 30:13

Iñuqaqtuq isumaqaqtuanik nakuupiaġataġnivḷutik— aarraa isumamigni aarigaa nakuurut!

Proverbs 30:9

Qaaŋiulaaŋaguma, uqallakpiaqtuŋa inŋitkuvich sugiŋiññiḷugu. Aglaan suiḷḷiuġuma tigligaqpiaqtuŋa aasii kanŋunaqtuamik aitchuġlugu God-iga.

Mark 7:21

qanuq qamaŋŋamiñ iñuum isumaqaġvianiñ salapqiġaqtut piḷuktuat isumat, tigligaġniġich, iñuaġniġich,

Acts 8:22

Isumalitqigiñ taavrumaŋŋa pigiitchuamiñ sivunniutiŋniñ, aŋaiyyulutillu Ataniġmun, ilaanun suliqutigiŋaiqulugu pigiitchuakun sivuniqaġniġiñ.

Romans 1:21

qanuq iḷisimagaluaqługu God, ukpiġilipiaġataŋaitkaat God-auniḷugu aasii nanġaġlugu quyyavigilugulu, aglaan isumalluaġiiḷiŋarut kamasuutaiqł̣utiglu.

Romans 1:28

Qanuq isummatigimmarruŋ kamagiraksraiññivḷugu God, ilaan ilaisituuqtinŋagai pigiitchuanun kipiġniuġutiŋiññun, piḷuusiqutinullu piḷġutchiñun.

Ephesians 2:12

Itqaumasitchi taimani atausiŋŋuqatigiŋaitkiksi Christ, iḷauŋaiñŋarusi God-im iñuksraqtaaŋiñun Israel-guruanun. Piqatauyumiñaiñŋarusi aitchuusiaqaqtuanun unniqsuqłiisinik God-im sivunniuġutigiŋakkaŋiñik iñuksraqtaamiñun, aasii piqaŋił̣ł̣usi annagummanmik, suli naluvlugu God.

Deuteronomy 8:14

Qaunakłaapiaġumausi piqpagaaliġñasiḷu puiguisuŋiḷḷusi Ataniġmik God-ivsigñik annaurriŋaruamik ilivsiññik Egypt-miñ, kivgauŋavivsiññiñ.