Numbers 9:14 - Iñupiatun Mumiksat Uqalugiksuat

¹⁴ “Allaniñ nunaniñ akunnavsiññi iñuuniaqtuat Qulaurrusiqisukpata, maliġiraksraġigaich iluqaisa piraksrallu maliġiraksriallu. Pitquraq atiruq kimupayauraq, nutim tamaaniitkaluaqpata naakka allaniŋŋaqtaugaluaqpata.”

Numbers 9:14 Iomraidhean Croise

Exodus 12:43

Atanġum uqautigaik Moses-lu Aaron-lu, “Uvva ukua Qulaurrisiqinikun maliġiraksrat: Israel-guŋitchuaq niġiñiaŋitchuq Qulaurrisiqinikun niqinik,

Exodus 12:47

Iluqaġmiŋ Israel-gum kiŋuvaaŋich itqautaulugu niqinaqivigiruksraġigaat,

Leviticus 19:10

Nautchiivivsiguatqigñasi pukugiaġlusi siiġñanik pukuŋitchavsiññik naakkaunnii pukuglugich siiġñat kataŋaruat; unitchigiŋ pukuaksraŋit iḷiappait suli allaniñ nunaniŋŋaqtauruat. Uvaŋa Ataniq God-iksi.

Leviticus 22:25

Aitchuiñasi niġrunmik piññaktaaġiŋaravsiññik allamiñ nunaniŋŋaqtauruaniñ. Tainnasit niġrutit sulliñiġiiññisuugait aasii akuqtuqtauyumiñaitchut.

Leviticus 24:22

Taamna pitquraq tunŋaruq iluqavsiññun, Israel-gum kiŋuvaaŋiññun suli allaniñ nunaniŋŋaqtauruanun akunnavsiññi iñuuniaqtuanun, qanukkii Uvaŋa Ataniq, God-iksi.”

Leviticus 25:15

Akiksriġñiaġaat qiñiġlugich qavsiñi ukiuni nauriḷḷatilaaŋa Utiqtitchiñaqsivik Ukiuq tikiñŋaiñŋaan.

Numbers 15:15

Taimuŋaaglaan, maliġiraksriutauruat ilivsiññun tunŋaniaġmiut tainnaptauq iglaaguruanun allaniñ nunaniŋŋaqtuaguruanun iñuuniaqtuanun akunnavsiññi. Ilivsiḷu iliŋiḷḷu ativlusi qiñiġaasi Atanġum;

Numbers 15:16

pitqurat maliġiraksrallu tunŋaniaqtut ilivsiññun iliŋiññullu.”

Deuteronomy 29:11

aġnasiḷu, miqłiqtusiḷu, allaniḷḷu nunaniŋŋaqtauruat iñuuqatisi qirriuqtigirasi imiqtaqtigirasiḷu.

Deuteronomy 31:12

Atautchimuktillugit aŋutit, aġnat, miqłiqtut, allaniñ nunaniŋŋaqtauruat, akunnavsiññi iñuuniaqatigirasi, kisupayaam tusaalugu qiksiksrautiqallasiyumauq Ataniġmun God-ivsiññun kamagilugiḷḷu iḷisaurrutiŋi iḷumutun.