Numbers 9:13 - Iñupiatun Mumiksat Uqalugiksuat

¹³ Aglaan piraġausiq nalaullugu salumaruaguguvsi iglauŋiḷḷusiḷu, aasii iḷauŋitkuvsi Qulaurrusiqiruani, iḷauŋaiġñiaqtusi iñugiramnun, qanukkii aitchuutiqaŋitchusi uvamnun piviksraq nalautinman. Igḷutuqtaksraġigiksi tatavsausiaksraŋa piḷuutivsi.

Numbers 9:13 Iomraidhean Croise

Genesis 17:14

Kiñapayaaq aŋun nalunaiñŋutchiqsauŋaitchuaq iḷaullayumiñaitchuq uvaŋa iñugiramnun, qanukkii ilaata nalaunŋaitkaa inillaktauŋaruaq sivunniuġutikun unniqsuqłiiñiq uvamnun.”

Exodus 12:15

Ataniq uqallaktuq, “Tallimat malġugni uvluni niġiñiaŋitchusi punniġnik imaksraligaanik—niġiḷusi kisian imaksraiḷaanik punniġnik. Sivulliġmi uvlumi igittuksraġigisi puvlaksautipayaat igluvsiññiñ, qanukkii kiñapayaaq taapkunani tallimat malġugni uvluni niġiruaq imaksraligaamik punniġmik, iḷauŋaiġñiaqtuq iñugiramnun.

Exodus 12:19

Tallimat malġugni uvluni puvlaksautiqaqtuksrauŋitchusi igluvsiññi, qanukkii kiñapayaaq, nutim tamaani aniŋagaluaġumi naakka allaniŋŋaqtaugaluaġumi, niġituaġumi punniġmik puvlaksautiligaamik, iḷaullayumiñaiġñiaqtuq iñugiramni.”

Exodus 12:47

Iluqaġmiŋ Israel-gum kiŋuvaaŋich itqautaulugu niqinaqivigiruksraġigaat,

Exodus 30:33

Kiñapayaaq tainnasiḷiuqpan tuvraġlugich naakka atuġlugich kimupayaamun aŋaiyyuliqsiqpauŋitchuamun iḷauŋaiġñiaqtuq iñugiramnun.’”

Exodus 30:38

Kiñapayaaq tainnasiḷiuġniqpan tivraġiksautigisuglugu, iḷauŋaiġñiaqtuq iñugiramnun.”

Leviticus 17:10

Nalliŋich Israel iñuŋisa naakka allaniñ nunaniŋŋaqtauruat iñuuniaqtuat nunaaqqiñi niġikpata niqimik auqaqtillugu, Atanġum akiḷḷiḷiutiniaġaich aasii iñugiŋaiġḷugich.

Leviticus 20:20

Aŋun allatuqatiqaġumi aŋaalugmi tuvaaqataanik, kanŋunaqsiḷiġaa aŋaaluni, aasii ilaalu aġnaġlu tatavsaqtauniaqtuk; nalliak unnii miqłiqsiñiaŋitchuq.

Leviticus 22:9

“Iluqaġmiŋ aŋaiyyuliqsiqpaich nalauttaksraġigaich maliġiraksrat qaisatka. Tainna piŋitkumiŋ, pasirauniaqtut aasii tuqulutiŋ, qanukkii kamagiŋaitkaich salumaruat maliġiraksrat. Uvaŋa Atanġuruŋa suli uvaŋa salumasisuugitka.

Leviticus 24:15

Aasii uqautilugich Israel-gum kiŋuvaaŋich kiñapayaaq uqamaqłuurriruaq God-mik igḷutuqtuksrauniḷugu tatavsausiaŋanik tainnatchim iñuum

Numbers 19:13

Kisut aksiŋagumiŋ tuquŋaruamik aasii salummaŋiḷḷutiŋ tainna salumaiññiaqtut. Qanukkii imġa salummautim siqił̣ł̣aktuutauŋaitchuq iliŋiññun salumaiḷiñiaġaat Atanġum Tupiŋa, suli anitauniaqtut Israel-miñ.

Numbers 19:20

“Salumaitkuvich aasii salumasisuŋitkuvich aasii iqaġiŋitkuviñ imiġmik akunŋaruamik aġramik, patchisauniaqtutin Atanġum Tupiŋa salumaiḷigupku, suli Israel-guruanun iḷauŋaiġñiaqtutin.

Numbers 5:31

Uiguruaq patchisaiññiaqtuq, aglaan aġnaq pasiraukpan, tatavsaqtauniaqtuq.

Numbers 9:7

aasii uqallakłutiŋ, “Salumaitchugut aksiŋavlugu tuquŋaruam timaa, aglaan summan minitaugaqsivisa aitchuutiksraunmun Ataniġmun piqatigilugich Israel-gum kiŋuvaaŋich?”

Hebrews 12:25

Qaunagisitchi kamagisuglugu God uqaqtuaq. Qanuq taipkua kamaksriŋitchuat Moses-mik tatavsaqtauŋarut, uvagut tatavsaqtaułhaaġniaqtugut kamagisuŋitkuptigu God.

Hebrews 2:3

Qanuġluta uvagut annakkumiñaipiaqtugut ukpiġiŋisuaġuptigu kamanaqtigiruaq qanutun annaun. Taamna annaun uqautigiqqaaŋagaa Atanġum, aasii tamatkua tusaaruat qaaŋiqsinŋagaat nalupqinaiqł̣ugu uvaptiŋnun.

Hebrews 6:6

taapkua uuktuaqqaaqługich, aquatigun tunutkumirruŋ Christ, qanuġlugich isumalitqiksitqigñaġumiñaitchut. Qanuq ilaisa kikiaktuutitqigmatun pigaat Iġñiŋa God-im, suli kipautigivlugu ilaan tuqqutaa.

Hebrews 9:28

Tainnatulli Christ, tuqutauganiŋavluni atausiaqłuni piiġiaqługich piḷuutiŋich iñugiaktuat, niptatqigñiaġmiuq, piḷuun piiġiasuŋaġnagu aglaan annautiyaqtuġlugich niġiupiaqtuat inmiñik.