Numbers 8:8 - Iñupiatun Mumiksat Uqalugiksuat

⁸ Tavraasii piḷutiŋ pamiqsaamik aŋusalluayaamik aitchuutiksramiglu palauvaksramik akunŋaruamik olive uqsruanik; ilvich aasii allamik pamiqsaamik aŋusalluayaamik piḷutin piḷuunmun aitchuutiksramik.

Numbers 8:8 Iomraidhean Croise

Exodus 29:1

“Uvva una piraksraqsi Aaron-mullu iġñiŋiññullu ilaaguaqtausaqpata aŋaiyyuliqsiqpauniġmun savautisaġluŋa. Aŋusallumik nutauruamik piḷusi suli malġugnik aŋusallugnik imnaigñik surruutaitchuagnik.

Exodus 29:3

Aguummagmun iḷiḷugich aasii aitchuutigilugich uvamnun aitchuutigiguvsiuŋ immulivium aŋusallua suli malġuuk imnaik aŋusalluk.

Leviticus 1:3

Aitchuiguvsi iḷaŋannik pamiqsaat ikipkaŋaruamik, qaġġirriruksraurusi aŋusallumik surruutaitchuamik sumik unnii. Paaŋanuglugu Tupqum Atanġum irvianun, ilaata akuqtullayumagaasi.

Leviticus 16:3

Isiġumiñaġniaqtuq Salumaniqtauruamun Inimun kisiatualuk qaġġirrianikkumi nutaġamik aŋusallumik piḷuunmun aitchuutiksramik suli aŋusallumik imnaimik ikipkautikun aitchuutiksramik.”

Leviticus 2:1

Nallisi aitchuutiqaqpata palauvaksranik Ataniġmun, palauvalluatauruksrauruq. Uqsruliġḷugu olive uqsruanik tivraġiksaunmiglu iḷalugu

Leviticus 4:14

tavra iḷitchuġipqauraġumiŋ piḷuutautilaaŋanik, nunaaqqiuruat qaġġirrigisirut immulivium aŋusalluayaaŋanik piḷuunmun aitchuutausaġlugu. Tupiġmuutigisigaat Atanġum nayuqtauvianun;

Leviticus 4:3

Aŋaiyyuliqsiqpak piḷuusiqiniqpan aasii taputilugich iñuich, aitchuiruksrauruq immulivium aŋusalluayaaŋanik surruutaitchuamik aasii ikipkaġvikun aitchuutigilugu Ataniġmun piḷuutini pisigilugu.

Leviticus 8:2

“Aaron-lu iġñiŋiḷḷu paaŋanuutikkich Tupqum nayuqtauvigma aasii qaġġisilugich aŋaiyyuliqsiqpaich annuġaaŋich, uqsruqtaaġullu, aŋusalluayaamik piḷuutinun aitchuutiksramik, malġuk imnaik aŋusalluuk, punniġniglu puvlaksautaiḷaanik aguummagmiittuanik.

Romans 8:3

God-im piŋagaa pitqurat qaisauruat Moses-kun piyumiñaisaŋat. Pitqurat iñuk suuramikunnii nalaunŋasiyumiñaiñŋagaat, qanuq piḷuusiqirauvluni kamagilaitkai pitqurat. Aglaan God-im tiliŋagaa Iġñini timiqaġlugu iñuutquvlugu uvaptiktun, piḷuksiŋaitchuq aglaan. God-im Iġñiŋan akiḷiŋagai piḷuutivut, aasii taamna pikamiuŋ, suaŋŋataiŋagaa piḷuun aŋalatchiyumiñaiqł̣ugu uvaptiŋnik.

2 Corinthians 5:21

God-im Christ piḷuutaiñŋaruaq atausiŋŋuqatigipkaŋagaa piḷuunmun, uvagut atausiŋŋuqatauŋaruaguut Christ-mun, atausiŋŋuqatigiŋagikput God-im nalaunŋataa.