Numbers 8:22 - Iñupiatun Mumiksat Uqalugiksuat

²² Tavra Levi-m kiŋuvaaŋich piksraqtaaguvlutiŋ savallaruat Tupiġmi Atanġum nayuqtauviani aullarriqaqłutiŋ Aaron-miglu iġñiŋiññiglu. Iñuich savaŋarut supayaamik Atanġum piraksriutaatun Moses-mun Levi-m kiŋuvaaŋisigun.

Numbers 8:22 Iomraidhean Croise

Exodus 12:50

Iluqaġmiŋ Israel-gum kiŋuvaaŋich kamaksriŋarut Atanġum piraksriutaanik Moses-mullu Aaron-mullu.

Numbers 1:50

Aglaan, Levi-m kiŋuvaaŋich qaunaksriḷiutiyumagitin Tupiġmun nayuqtauvimñun suli iluqaiññun suġauttaŋiññun. Tigumiaġniaġaat suġautaŋiḷḷu, qaunagilugu, suli nullaġvigillaalugu avataani.

Numbers 8:15

Salummaqtaġianikkupkich suli iliŋiguaġlugich Levi-m kiŋuvaaŋich, piksraqtaaguvlutiŋ savallaruat Tupiġmi Atanġum nayuqtauviani.

Numbers 8:21

Levi-m kiŋuvaaŋich salummaŋarut ilimignun iqaġivlugiḷḷu annuġaatiŋ, aasii Aaron-gum ilaaguaqługich aitchuutigiŋagaich Ataniġmun. Piraġausiq suli nalaułługu salummaŋammigaich.

Numbers 8:23

Atanġum uqallautigaa Moses,