Numbers 8:19 - Iñupiatun Mumiksat Uqalugiksuat

¹⁹ aasii qaiñŋagitka Levi-m kiŋuvaaŋich Aaron-mullu iġñiŋiñullu, aitchuutauvlugich Israel-gum kiŋuvaaŋiññiñ, savautitquvlugich iñuich Tupiġmi suli qaunagitquvlugich Israel-gum kiŋuvaaŋich suksraunġiqsauniksraŋanniñ qallivaitparruŋ Salumaniqsrauruaq Ini.”

Numbers 8:19 Iomraidhean Croise

Exodus 12:50

Iluqaġmiŋ Israel-gum kiŋuvaaŋich kamaksriŋarut Atanġum piraksriutaanik Moses-mullu Aaron-mullu.

Numbers 1:50

Aglaan, Levi-m kiŋuvaaŋich qaunaksriḷiutiyumagitin Tupiġmun nayuqtauvimñun suli iluqaiññun suġauttaŋiññun. Tigumiaġniaġaat suġautaŋiḷḷu, qaunagilugu, suli nullaġvigillaalugu avataani.

Numbers 1:53

Aglaan Levi-m kiŋuvaaŋich nullaġniaqtut avataanun Tupqum munaqsrausaġlutiŋ, kia-unnii qaninŋaŋitchumagaa Tupiq qanukkii qaninŋaqpata qinnautiniaġitka Israel-gum kiŋuvaaŋich.”

Numbers 16:46

aasii Moses uqallaktuq Aaron-mun, “Siḷaavyiun piḷugu, aluaksraġutin aumaruanik ikipkaivigmiñ, aasii tivraġiksaun iḷiḷugu aluanun. Qilamiqsruġlutin iñugnuuttiuŋ aasii salummautim piraġausiŋa atuġlugu iliŋiññun. Qilamik! Atanġum uumitchautaa suaŋŋaŋaruq naŋirrutiqpak isagutianigmiuq.”

Numbers 8:18

Piksraqtaaġigitka Levi-m kiŋuvaaŋich inaŋiqsaġlugich aŋayukłiich Israel-gum kiŋuvaaŋich,

Numbers 8:20

Tavraasii Moses-guvlu, Aaron-guvlu iluqatiglu Israel-gum kiŋuvaaŋich ilaaguaqtaġiŋagaich Levi-m kiŋuvaaŋich, Atanġum piraksriutaatun Moses-mun.

1 Samuel 6:19

Atanġum tuqunŋagaich piŋasukipiaq qulit (70) aŋutit Beth Shemesh-mi qanukkii itchuaŋarut iḷuanun Sivunniuġutim Kiguunniġum. Iñuich qiñuqpaŋarut qanukkii Atanġum tuquġaiqpaŋagaich aŋutit avataiññiñ.