Numbers 8:14 - Iñupiatun Mumiksat Uqalugiksuat

¹⁴ Inna iliŋiguaqtuksraġigitin Levi-m kiŋuvaaŋich allaniñ Israel-gum kiŋuvaaŋiññiñ, uvaŋa pigiyumagitka.

Numbers 8:14 Iomraidhean Croise

Numbers 18:6

Uvaŋa tavra naliġaaġiŋagitka nanmiñiq iḷagirasi Levi-m kiŋuvaaŋich akunġanniñ Israel-gum kiŋuvaaŋich qaisaġivlugich ilivsiññun. Ilaaguaqtauŋarut uvamnun, savaaqallasivḷugich piraksriusiamignik Tupikun.

Numbers 3:12

“Piginiaġitka Levi-m kiŋuvaaŋich. Tuqunnapkich aŋayukłiupayaaqtuat Egypt-miut, ilaaguaqtaġiŋagitka aŋayukłipayaat iġñiŋich qitunġaġiiguruani Israel kiŋuvaaŋiññi suli aŋayukłipayaaŋich niġrutit. Aasiuvva, uvaŋa simmausiutiginiaġitka Levi-m kiŋuvaaŋich aŋayukłipayaaŋiññun Israel-gum kiŋuvaaksraŋisa; iliŋich uvaŋa pigigitka. Uvaŋa Atanġuruŋa.”

Numbers 3:45

“Ilaaguaqtaġilugich Levi-m kiŋuvaaŋich piksratka, inaŋiutilugich iluqaiññun iġñiqqaaguruanun Israel-gum kiŋuvaaŋiññun, suli ilaaguaqtaġilugich pamiqsaaŋich Levi-m kiŋuvaaŋisa inaŋiutilugich aniqqaaŋaruanun pamiqsaaŋiññun Israel-gum kiŋuvaaŋisa. Levi-m kiŋuvaaŋich uvaŋa piginiaġitka. Uvaŋa Atanġuruŋa.

Numbers 3:9

Piraksratualuginiaġaat tavra Levi-m kiŋuvaaŋich savautilugu Aaron iġñiŋiḷḷu.

Numbers 6:2

ukuniŋa piraksriqsuquvlugich Israel-gum kiŋuvaaŋich. Nalliqsi, aŋutaugaluaġuvsi naakka aġnaugaluaġuvsi, ilaaguaqtaulugu unniqsuqłiiŋaguvsi Nazirite-ŋuġugniḷusi suli qaitkuvsi Ataniġmun,

Numbers 8:13

“Ilaaguaqtaġilugich Levi-m kiŋuvaaŋich piqpagnaqtuakun aitchuutauyumaut uvamnun, aasii Aaron-lu iġñiŋiḷḷu aullarriġuġlugich iliŋiññun.

Numbers 8:17

Ilaaguaqtaġiŋavlugich uvaŋa pigisukługich aŋayukłiich iġñiŋich Israel-gum kiŋuvaaŋisa aŋayukłiŋiḷḷu niġrutipayaaŋisa, taimani tuqunnapkich aŋayukłiupayaaqtuat Egypt-mi.

Romans 1:1

Ukua tuyuutit qairut ilivsiññun Paul-miñ, kivgaŋaniñ Jesus Christ, piksraqtaaġiŋaraŋa tiliraġisukługu alġaqsruitquvlugu God-im tusaayugaaġiksuaŋiñik.

Galatians 1:15

Aglaalli God sivuniqaŋaniqsuq aniŋaiñŋaġmaunnii ilaan alġaqsruirigisukłuŋa. Aasii aquvatigun, nagliktuutinikpakami uvamnun,

Deuteronomy 10:8

Tavrani Ataniq ilaaguaqsiŋaruq iluqaiññik Levi-m nanmiñiq iḷaŋiññik aŋutinik akigaqtautquvlugich Kiguunniġmik Sivunniuġutinik imaqaqtuamik, savautitquvluniḷu aŋaiyyuliqsautguvlugiḷḷu, God-lu apiksruġlugu iñuich aitchuqulugich anniqsuusiaksraŋiññik. Paŋmapaŋmuaglaan savaaġigaich.

Hebrews 7:26

Qanuq nalaunŋaruq tainnatchimik aŋaiyyuliqsiqpaich qaukłiannik piqaġupta, ilaaguaqtauruamik God-mun, pasiñaġumiñaitchuamik, piġuaġniġitchuamik, ilaaguaŋaruamik piḷuusiqiriniñ, kamanaqsipkaqtauruamik qiḷaŋmi.