Numbers 8:12 - Iñupiatun Mumiksat Uqalugiksuat

¹² Levi-m kiŋuvaaŋich argatiŋ iḷigisigaich niaquŋigñun malġuk immuliviik aŋusalluŋiksa; atausiq aitchuutaulugu piḷuunmun suli igḷua ikipkautikun aitchuutaulugu, nalautitchaġlugu piraġausiq salummaġniŋannun Levi-m kiŋuvaaŋich.

Numbers 8:12 Iomraidhean Croise

Exodus 29:10

“Qaġġisilugu immulivium aŋusallua sivuġaanun Tupqum nayuqtauvigma aasii uqallautilugu Aaron iġñiŋiḷḷu argaŋi inillaqulugich niaquanun.

Leviticus 1:4

Argaiñ niaquanuglugu, aasii akuqtuqtauniaqtuq ikipkaaksrauluni aitchuun piḷuutaiqsaġlutin.

Leviticus 14:22

Malġugniglu tiŋmiagnik naakka malġugnik pigeon-nik, igḷua piḷuunmun aitchuutausaġlugu aasii igḷua ikipkautikun aitchuutausaġlugu.

Leviticus 16:11

Aaron aitchuikpan aŋusalluanik immulivium piḷuun pisigilugu ilimiñun qitunġamiñullu,

Leviticus 16:21

Argagni iluqaaktun nagrulgum niaquanukkisigaik aasii quliaġlugich iluqaisa pigiitchuat, piḷuutit, suli paaqłaktautiŋich Israel-gum kiŋuvaaŋisa, aasii nuutillugich nagruligum niaquanun. Tavraasii taamna nagrulik aullaqtinniaġaa nunagluktuamun nalunaiqsauruakun iñukun.

Leviticus 16:6

Aaron aitchuiñiaqtuq immulivium aŋusalluanik aitchuutausaġlugu piḷuutimiñun suli igluqatiiŋisa piḷuutiŋiñun.

Leviticus 4:15

aullarrauruat nunaaqqimi argatiŋ niaquanuglugich, aasii tavrani tuqullugu sivuġaani Atanġum.

Leviticus 4:20

Ilaata tainnasuli piñiaġaa taamna aŋusalluayaaq piusimisun sivuani piḷuutinun aitchuutauruamun, aasii tainna pigumi ikipkaiḷuni aitchuutiqaġniaqtuq iñuich piḷuutiŋiñun, aasii iliŋich suliqutigiŋaiqsauniaqtut.

Leviticus 4:35

Tavraasii iluqaan qaunnaŋa piiġisigaa, qaunnaŋa piiġmatun imnaimiñ tuquttaŋanniñ iḷammiuġunmun aitchuutausaqługu, aasii ikipkaġisigaa ikipkaivigmi iḷagilugich niqit aitchuutauruat Ataniġmun. Tainna tavra pigumi aŋaiyyuliqsiqpaum aitchuutiginiaġaa ikipkaġlugu piḷuutiŋanun, aasii suliqutigiŋaiqsauniaqtuq.

Leviticus 4:4

Immulivium aŋusalluŋa paaŋanuutigisigaa Tupqum, argani niaquanuglugu, aasii tuqullugu tavrani Atanġum sivuġaani.

Leviticus 5:7

Aitchuutiksraiññiġuvich imnaimik naakka nagruligmik, qaġġirrigisirutin malġugnik tiŋmiaŋnik naakka malġugnik pigeon-nik Ataniġmun, akiḷiutigisaġlugik piḷuusiqiaġnun, igḷua piḷuunmun aitchuutausaġlugu aasii igḷua ikipkaġlugu aitchuutausaġlugu.

Leviticus 8:14

Tavraasii Moses-gum qaġġisiŋagaa aŋusalluayaaq piḷuunmun aitchuutiksraq, aasii Aaron-lu iġñiŋisalu argatiŋ niaquanuŋagait.

Leviticus 8:15

Moses-gum tuqułługu aŋusalluayaaq, auksraqłuni iḷaŋanik, tikimiñik auliqsuŋaġaich nagruich kaŋiġalluŋit ikipkaivium, salumaruaġuqsaqługu. Tavraasii kuvivḷugu iḷakua augum alliġaŋanun ikipkaivium. Tainnaqami tavra ilaaguaġaa suli salumaruaġuqługu.

Leviticus 8:18

Tainnaanigman, Moses qaġġirriŋaruq aŋusallumik imnaimik ikipkaġlugu aitchuutiksramik, aasii Aaron-guvlu iġñiŋisalu argatiŋ niaquanugniġait.

Leviticus 8:34

Atanġum piraksriŋagaatigut uvlupak savaaġiraptinnik, piḷuutisi piiqsaqługich.

Leviticus 9:7

Tavraasi uqallautiŋagaa Aaron, “Ikipkaivigmuglutin aitchuutigiuŋ piḷuunmun aitchuun suli ikipkaġlugu aitchuun piḷuutisi piiqsaġlugich piḷuutiŋiḷḷu iñuich. Taamna aitchuutigilugu piḷuutaiqsaġlugich iñuich, Atanġum piraksriutaatun.”

Numbers 6:14

qaitchiḷutin Ataniġmun piŋasunik niġrutinik surruutaitchuanik: atausimik ukiuqaqtuamik aŋusallumik imnaiyaamik ikipkaġlugu aitchuutiksramik, atausimik ukiuqaqtuamik aġnasallumik imnaimik piḷuunmun aitchuutiksramik, suli aŋusallumik imnaimik iḷammiuġunmun aitchuutiksramik.

Numbers 6:16

Aŋaiyyuliqsiqpaum qaisaġiniaġaich iluqaisa taapkua Ataniġmun suli aitchuiḷuni piḷuunmun aitchuutauruamik suli ikipkautikun aitchuunmik.

Numbers 8:13

“Ilaaguaqtaġilugich Levi-m kiŋuvaaŋich piqpagnaqtuakun aitchuutauyumaut uvamnun, aasii Aaron-lu iġñiŋiḷḷu aullarriġuġlugich iliŋiññun.

Numbers 8:8

Tavraasii piḷutiŋ pamiqsaamik aŋusalluayaamik aitchuutiksramiglu palauvaksramik akunŋaruamik olive uqsruanik; ilvich aasii allamik pamiqsaamik aŋusalluayaamik piḷutin piḷuunmun aitchuutiksramik.

Hebrews 9:22

Tavrakii kamagivlugich pitqurat, iluqakavsaŋmi sunapayaaq ilaaguaġutiqaġaqtuq God-mun auŋmik, suli auk maqinŋaunnagu, God-im piḷuutit suliqutigiŋaiḷaitkai itqaumayumiñaiġḷugich.