Numbers 6:9 - Iñupiatun Mumiksat Uqalugiksuat

⁹ Ilaaguaqtauŋaruat nuyatin salumaiḷiñiqpata saniġaqłiġiran iñuk tavraŋŋatchiaq tuquliġluni, utaqqiruksraurutin tallimat malġugni uvluni taimmaasii kivraġlugu niaqun iluġaaġlugu; tavra piraġausikun salumasiñiaqtutin.

Numbers 6:9 Iomraidhean Croise

Leviticus 14:8

Iġġuġisigitin annuġaatin, kivraġlutillu nusaiġutin, suli ivvaġlutin; tavra aasii piraġausiq nalaullugu salumasiñiaqtutin. Isiġumiñaqsiñiaqtutin nullaummivigmun, aglaan siḷataaniillaktuksraurutin tupiqpich tallimat malġugni uvluni.

Leviticus 14:9

Tallimat malġuanni uvlut kivravsaaqtaksraġigiñ niaqqun, umitillu, qavlutillu, suli timigniipayaaqtuat nusat; iqaġigisigitin annuġaatin ivvaġlutillu, aasii tavra piraġausiq nalaullugu salumasiñiaqtutin.

Numbers 6:18

Tavraasii, paaŋani Tupqum Nazirite-guruasii kivraġisigisi nutchasi aasii iḷaulugich ikipkaivigmun aitchuutauruanun iḷammiuġutikun.

Numbers 6:8

Nazirite-gullaqpich, ilaaguaqtauŋaniaqtutin Ataniġmun.

Acts 18:18

Taavruma aquagun Paul iñugiaktuanik uvliuqqaaqłuni Corinth-mi, qimaŋagai aniqatit tiŋilġaivḷuni Cyria-mun, piqatigivlugik Priscilla-lu Aquila-lu. Cenchreae-miinŋaġmi, niaquni mitquiŋagaa piḷġusiatitun Jew-guruat unniqsuqłiivḷuni God-mun.

Acts 21:27

Tallimat malġuk uvlut naatkaqsimmiullu, iḷaŋich Jews qaiŋaruat nunaaqqiŋiñiñ Asia-m, tautuŋagaat Paul aŋaiyyuvikpaum iḷuani. Tavra ilaisa tuavaallaktinŋagaich iñusalaich, aasii tigguġlukługu Paul,

Deuteronomy 21:12

Aggisigisigiñ, kivraqtilluguasii kukiiyaqtillugulu,