Numbers 6:15 - Iñupiatun Mumiksat Uqalugiksuat

¹⁵ Aitchuiḷutin suli punniġmik imaksrautaitchuamik aguummagmittuamik: mapturuanik punniġnik piḷianik palauvagmiñ akunŋaruamik olive uqsruanik suli maptukitchuanik siḷaavyagnik nanuŋaruanik olive uqsruanik, suli iḷagilugich aitchuutauruksrauruat palauvaksrallu wine-lu.

Numbers 6:15 Iomraidhean Croise

Exodus 29:2

Atuġlusi nakuuniqtamik palauvagmik, aglaan imaksraiḷaaġlugu, punniliuġlusi olive uqsruanik uqsruliġḷugu, aasii suli iḷaŋa uqsruiḷaaġlugu, iḷaŋasuli siḷaavyaliuġlugu uutkanikpata uqsruqtiġlugich.

Leviticus 2:4

Aitchuutauruaq aasii punniukpan igaŋaluni punillivikun, kukiaguruksrauruq imaksraiḷaaġlugu. Maptunaaŋayumiñaqtut piḷiagulutiŋ palauvagmik akunŋaruamik olive uqsruanik naakka maptukitchuat punniġich uqsruqtaaŋalugich olive uqsruanik.

Leviticus 7:12

Taamna aitchuun qaitkuvsiuŋ quyanaaġutaulugu God-mun, qaitkisigiksi, iḷaqaġlugu niġrunmik ikipkaaksramik, aitchuun punniġmik igaŋaruamik imaksrautaiḷaaqługu, suli tugliŋich maptukiḷḷugich punniġich uqsruqtiŋalugich olive uqsruanik, piŋayuiŋich aasii mapturuagulugich punniġich piḷiat palauvak akullugu olive uqsruanik.

Leviticus 8:2

“Aaron-lu iġñiŋiḷḷu paaŋanuutikkich Tupqum nayuqtauvigma aasii qaġġisilugich aŋaiyyuliqsiqpaich annuġaaŋich, uqsruqtaaġullu, aŋusalluayaamik piḷuutinun aitchuutiksramik, malġuk imnaik aŋusalluuk, punniġniglu puvlaksautaiḷaanik aguummagmiittuanik.

Leviticus 9:4

suli pamiqsaamiglu aŋusallumiglu imnaimik iḷammiuġniq pisigilugu aitchuutiksraġnik. Ikipkaġlugich aitchuutigigisigaich Ataniġmun iḷaqaġlugich palauvaksramik aitchuunmik akurrusiġḷugu uqsrumik. Tainna piruksraurut qanukkiuvva Atanġum niptaġviginiaġaich uvlupak.”

Numbers 15:10

Qaġġirrilusiḷu wine-mik imaqtutigilugu sisamatun pint-tun. Taapkua iluqaisa aitchuutigilugich tivraġiksuat Ataniġmun.

Numbers 6:16

Aŋaiyyuliqsiqpaum qaisaġiniaġaich iluqaisa taapkua Ataniġmun suli aitchuiḷuni piḷuunmun aitchuutauruamik suli ikipkautikun aitchuunmik.

1 Corinthians 10:31

Innauvva ittuq. Niġiñiqsiḷu imiġniqsiḷu naagga sunapayaaq pikkaqsi, God-im nanġausiaqautigillaliuŋ.

1 Corinthians 11:26

Tavra qanutun akulaisigilugu niġiguvsiuŋ punniq imiġlusiḷu qallugauramiñ, taavrumuuna maniuġiksi Atanġum tuqqutaa qaitqigñiŋanun aglaan.