Numbers 5:9 - Iñupiatun Mumiksat Uqalugiksuat

⁹ Aasii-suli ilaaguaqługu aitchuigumiŋ Israel-gum kiŋuvaaŋich Ataniġmun aŋaiyyuliqsiqpaum akuqtuiruam piginiaġaa.

Numbers 5:9 Iomraidhean Croise

Exodus 29:28

Tavra allaŋŋuġaġniaŋitchuaq sivunniutiga iñugiratka iḷammiuġutikun aitchuiraġikpata, sakiaŋalu mumiŋalu niġrutim piginiaġaich aŋaiyyuliqsiqpauruat. Tavra taamna iñuich aitchuutiŋat uvamnun, Atanġuruamun.

Leviticus 10:13

Niġiḷugu salumaruami inimi; tavra taamna piksrautin iġñiġiraqpiḷḷu niqiniñ aitchuutauruaniñ Ataniġmun. Tainna Atanġum piraksriŋagaaŋa.

Leviticus 10:14

Aglaan ilviḷḷu qitunġavsiḷu niġiyumiñaġiksi sakiak kiŋulliġḷu niuŋa qaisauŋaruak nuimaruaguvlugik aitchuutik, nuimaruagivlugisuli qaisauŋaruat Ataniġmun pisigivlugich aŋaiyyuliqsiqpaich. Niġiyumiñaġisi sumipayaaq piraġausiq nalaullugu salumaruaguruami. Tamatkua aitchuutit qaisauŋarut ilivsiññun qitunġavsiññullu autaaġusiaġivlugich iḷammiuġnikun aitchuutiŋiññiñ Israel-gum kiŋuvaaŋisa.

Leviticus 10:15

Qaġġisisaġaat kiŋulliq niu sakiaglu qaisaukpata qaunnat niqitigun aitchuutauruatigun Ataniġmun. Taapkua ilivsi piginiaġisi miqłiqtuvsiḷu isuitchuamun, Atanġum piraksriutaatun.”

Leviticus 6:26

Aŋaiyyuliqsiqpaum ikipkaqługu aitchuiruam niġrunmik niġiñiaġaa salumaruami inimi, siḷagauraŋani Tupqum Atanġum nayuqtauviata.

Leviticus 7:32

Taliqpik ukpataa niġrutim aitchuutigigisigaat ilaaguaqtaulugu

Leviticus 7:34

Sakiaŋa niġrutim nuimanaqłuni aitchuutauruq, aasii taliqpianiñ ukpataa nuimanaqłuni qaisauruaq, Atanġum piraŋa Israel-gum kiŋuvaaŋiññiñ, aasii qaił̣ł̣ugu aŋaiyyuliqsiqpagnun. Tavra taamna Israel-gum kiŋuvaaŋisa qaisaksraġisuuniaġaat aŋaiyyuliqsiqpagnun taimuŋaaglaan.

Numbers 18:19

“Qaitkitka iliŋnun, iġñiġutiignun, suli paniutignun, taimuŋaaglaan, iluqaisa ilaaguaqługich nalunaiqsauruat aitchuutiŋich Israel-gum kiŋuvaaŋich uvamnun. Allaŋŋuġumiñaitchuq taamna unniqsuqłiisiga iliŋnun suli kiŋuniiġiraġnun.”

Numbers 31:41

Tavra Moses-gum qaitchiŋagaa Eleazar tax ilaaguaġlugu aitchuun Ataniġmun, Atanġum piraksriutaatun.

Numbers 5:8

Aglaan taamna iñuk tuquaniŋaniqpan suli nanmiñiq iḷaiḷḷuni akiiḷaiġviksramik, akiḷiutaa aitchuutauniaqtuq Ataniġmun tuttillugu aŋaiyyuliqsiqpagmun. Taamna akiḷiun iḷauniaqtuq aŋusallumun imnaimun piraġausiq nalaullugu salummaqtauniŋanun pasirauruam.

Deuteronomy 12:26

Nanġaivigmuutilugich ilaaguaqtaġiŋarasi suli unniqsuqłiutigiŋarasi Ataniġmun.