Numbers 5:3 - Iñupiatun Mumiksat Uqalugiksuat

³ Anillich iluqaisa piraġausikun salumaitchuaguruat iñuich, salumaiḷiŋitchumagaat nullaummivik, iñuuviga akunġanniiłłuŋa iñugiraġma.”

Numbers 5:3 Iomraidhean Croise

Psalms 68:18

Mayuqami qiḷaŋmun, tapurrivḷuni iñugiaktuanik tigutaaqtanik; akuqtuisuuruq aitchuutaiññik iñuich, paaqłaŋaruaniñ unnii— Atanġuruam God-auruavlu irviginiaġaa iñuuvigilugu.

Exodus 25:8

Iñuich nappairuksraurut ilaaguaŋaniaqtuamik Tupiġmik uvamnun, iñuuyumauŋa akunġanni.

Exodus 29:45

Iñuuniaqtuŋa akunġanni Israel-gum kiŋuvaaŋisa, suli God-tigiñiaġaanŋa.

Leviticus 14:8

Iġġuġisigitin annuġaatin, kivraġlutillu nusaiġutin, suli ivvaġlutin; tavra aasii piraġausiq nalaullugu salumasiñiaqtutin. Isiġumiñaqsiñiaqtutin nullaummivigmun, aglaan siḷataaniillaktuksraurutin tupiqpich tallimat malġugni uvluni.

Leviticus 15:31

Atanġum uqautiŋagaa Moses kiliquvlugich Israel-gum kiŋuvaaŋich salumaisiḷaaŋiññik, salumaiḷitquŋił̣ł̣ugu Tupiq nayuqtauvia, qitqaniittuaq inauviŋata. Tainna pigumiŋ, tuquniaqtut.

Numbers 16:3

Katiłłutiŋ sivuġaanugniqsut Moses-guvlu Aaron-guvlu aasii uqautivlugik, “Iŋattaqpaitchusik uvva! Iluqaġmiŋ nunaaqqim iñugiraŋich salumarut, suli Ataniq itqatauruq iliŋiññun. Summan, aasii uvva, Moses, aullarriñagutiviñ Atanġum iñuŋiññik?”

Numbers 19:22

Sunapayauraq salummaŋaitchuam iñuum aksiksaŋa salumaitchuaguniaqtuq, suli taaptuma alla iñuum aksigñiqpauŋ salumaitchuaq salumaiḷiñiaġmiuq anaqalġataqtillugu.”

Numbers 35:34

Salumaiḷiñasiuŋ nuna iñuuniaġvigiraqsi, qanuq uvaŋa Atanġuruŋa suli iñuuruŋa akunġanni Israel kiŋuvaaŋisa.”

Numbers 5:4

Israel-gum kiŋuvaaŋich kamaksrivḷutiŋ anitkaich iluqaisa salumaitchuat nullaummivigmiñ.

Deuteronomy 23:14

Nullaummivikaaq unni piraġausiq nalaullugu salumapkagaksraġigiksi, qanukkii Ataniq God-iksi pisuġalaruq akunnavsiññi aasii munaġiniaġaasi akimmatiqaqtillusiḷu aŋuyakkuvsi. Sumik iviġaumanaitchuamik savaaqaġniaġnasi Ataniġmun God-ivsiññun tunutquŋitkuvsi.

Deuteronomy 23:15

“Kivgat annaksaġvigikpatin kivgauvigmigniñ, utiqtinniaġnagich.

2 Thessalonians 3:6

Aniqatiit, paŋmapak piraksriġivsi ataniġnaqutaagun Atanipta Jesus Christ, niguaqtuqsiuŋ iñuk kiñaliqaa ukpiqtuaguvluni ataramik iḷatchiqsuaq, kamagigaluaġnagu iḷisaurrutikput ilivsiññun.

Titus 3:10

Aasiiḷi iñuk atiŋirrutauruaq, siḷġiqsuġaluaġupku atausiaġlugu naagga malġuŋni, iḷaksiatqigñagu,

Revelation 21:27

Aglaan sunapayaaq salumaitchuaq isiġumiñaitchuq iniqpaŋmun naaggaunnii kiñaliqaa piḷġusiqaqtuaq naġġunapiaġataqtuanik naagga saglunmik. Aglaan kisimiŋ tamatkua atiŋich aglausimaruat Imnaiyaam makpiġaaŋiñi iñuuruatigun isiġniaqtut iniqpaŋmun.

Revelation 21:3

Suli tusaaŋammiuŋa kamanaqtuamik nipimik umialgum aquppiutaŋiñiñ uqallaktuamik, Uvva, iñuuvia God-im piqasiutiruq iñuŋnun. Ilaan iñuuqatiginiaġai, aasii iliŋich ilaan iñugilugich, aasiisuli God ilaa itqatauniaqtuq iliŋiññun God-auluniḷu iliŋiññun.