Numbers 5:15 - Iñupiatun Mumiksat Uqalugiksuat

¹⁵ Nallipayaaŋaktigun nalautitkaluaqpan aŋutim nuliani aŋaiyyuliqsiqpagmuutiruksraġigaa. Aitchuiruksrauruq malġuktun pounds-tun uqumaisigiruaq barley palauvak, aglaan uqsriġñiaŋitkaa olive uqsruanik naakkaunnii iḷisiḷuni tivraġiksaunmik, qanukkii iḷimasuktuamiñ uiguruamiñ aitchuutauruq, iḷumun ittuaq nalunaiqsaġlugu.

Numbers 5:15 Iomraidhean Croise

1 Kings 17:18

Uqallaktuq Elijah-mun, “Iñugiraatin God-im, summan uvva tainna piviŋa? Qairuatin mauŋa God-mun itqaquvlugu piḷuusiqiaġa aasii tuqupkaqługu iġñiġa?”

Leviticus 1:2

Israel-gum kiŋuvaaŋich atuaksraŋiññik aitchuigumiŋ ikipkaivikun. Aitchuiguvsi niġrunmik ikipkaġlugu, pamiqsaaguyumiñaqtuq, imnaiguyumiñaqtuq, naaggaunnii nagruliuluni.

Leviticus 2:1

Nallisi aitchuutiqaqpata palauvaksranik Ataniġmun, palauvalluatauruksrauruq. Uqsruliġḷugu olive uqsruanik tivraġiksaunmiglu iḷalugu

Leviticus 5:11

Aitchuutiksraiññiġuvich malġugnik tiŋmiaŋnik naakka pigeon-nik, qaġġirrigisirutin malġuktun pounds-tun uqumaisigilugu palauvagmik piḷuunmun aitchuutiksramik. Uqsriġñiaŋitkin olive uqsruanik naakka ikipkaqlugu tivraġiksaunmik, piḷuunmunkii aitchuutauruq, palauvaksrauŋitchuq aitchuutiksraq.

Numbers 5:16

Aŋaiyyuliqsiqpaum aġnaq saavitittuksraġigaa aasii makitillugu sivuġaanun Atanġum.

Hebrews 10:3

Tavraaglaan tamatkua ikipkaisit aitchuutauruat ukiutuaġman itqaqtirrutauraqtut piḷuusiqirautilaaŋannun iñuich.