Numbers 4:5 - Iñupiatun Mumiksat Uqalugiksuat

⁵ Aullaġnaqsiraġikpata, Aaron iġñiniḷu isiġniaqtut Tupiġmun, talukiyaaq piiġḷugu sivuġaaniittuaq Sivunniuġutim Kiguunniŋata, aasii matulugu Kiguunniq taaptumiŋa.

Numbers 4:5 Iomraidhean Croise

Exodus 36:35

Talukiyaaliuŋarut ukiłhaaġiksuamik, savaaguŋaruamik suŋauraaqtaamik, tigluuraaqtaamik, suli kaviqsaamik imnaim mitquanik suli qupakługu arriŋiñik cherubim-git.

Exodus 40:3

Iḷuanuglugu Sivunniuġutim Kiguunniŋa imaqaqtuaq Qulinik Piraksriutinik aasii talukiyaaq iḷiḷugu sivuġaanun.

Exodus 40:5

Iḷiḷugu ikipkaivik kaviqsuamik manigmik savaaq tivraġiksautinun sivuġaanun Sivunniuġutim Kiguunniŋata aasii niviŋŋaġlugu talukiyaaq paaŋanun Tupqum.

Leviticus 16:2

Uqallautigaa, “Uqallauttuuŋ aniqatin Aaron kisiatualuk piviksraq tikitpan tunuanuqulugu talukiyaaŋata Salumaniqtauruam Inim, qanukkii tavrani niptaġuuruŋa nuviyakun qulaagun matuaŋata Sivunniuġutim Kiguunniŋata. Kamaksriŋisuaġumi, ilaa tuqutauniaqtuq.

Numbers 10:14

aullaqituaġaġikamiŋ, aquliġaġiigñiŋat allaŋŋulaiññiqsuq. Aullaqiqqaaqtuat takuyaligaat maŋŋuqaqtuagurut Judah-mik. Nahshon, iġñiŋa Amminadab-gum aullarrigiŋagaat.

Numbers 4:15

Aaron-guvlu iġñiŋiksalu matuuganikpatigich salumaruat suġauttapayaurat, aullaġnaqsikpata kisian, Kohath-gum kiŋuvaaŋisa tigumiaġiaġniaġaich. Aglaan aksiktuksraġiŋitkaich salumaruat suġauttaŋich, atakkii tainna pituaġumiŋ tuquniaqtut. Kohath-gum kiŋuvaaŋisa tigumiaġniaġaich tamatkua iḷuaniittuat Tupqum Atanġum nayuqtauviata.

Numbers 4:4

Uvva savaaŋat Kohath-gum kiŋuvaaŋisa Tupiġmi Atanġum nayuqtauviani: savaaqaġniaqtut salumapiaġataqtuanik.

Numbers 7:9

Aglaan Moses qaitchiŋaiñŋaruq usiaqtuutinik aksraliktuanik naakka qimuktinik Kohath-gum kiŋuvaaŋiññun, qanukkii salumaruat suġġauttat qaunagiraŋich nanmaktaksraġivlugich.

Matthew 27:51

Tavra tavrani, talukiyaaŋa aŋaiyyuvikpaum aliŋaruq malġuułłuni, qulimiñiñ anmun. Tavrasuli nuna aulaŋaruq, uyaġagruallu quvluŋarut.

Deuteronomy 31:9

Tavra Moses-gum aglakługit qaiñŋagai pitqurapayaaŋi God-im aŋaiyyuliqsiqpauruanun Levi-m kiŋuvaaŋiññun qaunaksrisuuruanun Atanġum Sivunniuġutaisa Kiguunniŋanik, suli aullarrauruanun Israel-gum kiŋuvaaŋiññun.

Hebrews 10:20

ilaan aŋmautiŋagaatigut nutauruamik apqunmik qalliḷaaġviksraptiŋnik God-mun aasii iñuuluta isuitchuamun. Aŋaiyyuliqsiqpaich qaukłiatun qalliḷaaqtuatun God-mun amuŋatchianun talukiyaam, uvaguttauq qalliḷaaġumiñaġmigikput God timaagun Jesus, aitchuutigikkaŋagun tuquvluni.

Hebrews 9:3

Aasii tupiq kaŋiḷḷiqaqtuq tunuani talukiyaam, tairauruamik Ilaaguaqtaułhamaaqtuamik inimik God-mun.

1 Samuel 6:19

Atanġum tuqunŋagaich piŋasukipiaq qulit (70) aŋutit Beth Shemesh-mi qanukkii itchuaŋarut iḷuanun Sivunniuġutim Kiguunniġum. Iñuich qiñuqpaŋarut qanukkii Atanġum tuquġaiqpaŋagaich aŋutit avataiññiñ.