Numbers 4:32 - Iñupiatun Mumiksat Uqalugiksuat

³² suli akigaunnat, alliġaŋich, paugat, suli akłunaaŋich siḷallium avataata Tupqum, savaunnaŋiḷḷu tamatkuniŋa nappaisaqamiŋ. Iñullaa tigumiallaaniaqtuq nalunaiqsallaanik.

Numbers 4:32 Iomraidhean Croise

Exodus 25:9

Savakkisigiksi suġautaksraŋiḷḷu tuvraġlugu sivunniuġutiga maniñiaqtaptun.

Exodus 27:9

“Tupiq nayuqtauviga avaluliuqsaġiksi ukił̣haaġiksuanik talukiyaanik. Kiluliñaaŋani talukiyaaqaġniaqtuq taktigiruanik malġukipiaq qulinik (50) isagniġum avvaŋatitun,

Exodus 38:17

Turviŋich napaqsrat piḷiat patukpagmik, suli naktirviich, niviŋŋaviich, suli qaliŋich qaaŋisa napaqsrat piḷiat qatiqtuamik manigmik. Iluqaġmiŋ napaqsrat avaluani kasuqtitaŋarut qatiqtuamik manigmik niviŋŋavigñik.

Exodus 38:21

Ukua uvva agliusimarut qanutun itilaaŋich savił̣hat atuŋaraŋich Tupiġmun Atanġum nayuqtauvianun, malġuuk uyaqqak aglagviuŋaruak Qulit Piraksriutauŋaruanun agliusimaruat. Agliusimaruat piraksriutigiŋavlugich Moses-gum aasii Levi-m kiŋuvaaŋich savaaġiŋavlugich qaukłiqaqłutiŋ Ithamar-mik iġñiŋanik Aaron-gum aŋaiyyuliqsiqpauruam.

Numbers 3:36

Savaaksriusiaqaŋarulli avaluŋiññik Tupqum, sanniġutaŋiññik, napaqsraŋiññik, tunŋaviŋiññik, iluqaiññiglu savalġutiŋiññik, Savaaġiniaġaich savaaksrauruat taapkunaŋŋa.

Numbers 3:8

Qaunaksrauniaqtut iluqaiññun suġautaŋiññun Tupiqpaum nayuqtauvimñun aasii piraksrauruat savaaġilugich Israel-gum kiŋuvaaŋiññun.

Numbers 4:31

Savaaqaġniaqtut tigumiaġlugich avaluuŋich, ayaŋich, akigaunnat, suli alliġaŋich Tupqum,

Numbers 4:33

Uvva ukua savaaġiniaqtaŋich iḷagiraŋisa Merari-m savaaġigumirruŋ Tupiq; savaaġiniaġaich aullarriqaġlutiŋ Ithamar-mik aŋaiyyuliqsiqpaum Aaron-gum iġñiŋanik.

Numbers 4:49

Aŋutillaa agliutiŋagaat Atanġum piraksriutaatun Moses-mun; suli piraksriutaatun Atanġum Moses-kun, iñullaa savaaksriñŋagaat savaquvlugu naakka tigumiaqtautquvlugu.

Numbers 7:1

Taaptumani uvlumi Moses nappaiganigataqami Tupqanik Atanġum nayuqtauviata, nalunaiqsaġiŋagaa suli ilaaguaqtaġivlugu Tupiq suġautapayauraŋiḷḷu, suli ikipkaivigḷu savaluutipayaaŋiḷḷu.

Numbers 7:8

suli sisamat usiaqtuutit aksraliktuat tallimat piŋasullu qimuktit Merari-m kiŋuvaaŋiññik. Savaaksrautaalli savaaġiyumaaqtaŋat aullarriqaġlutiŋ Ithamar-mik iġñiŋanik Aaron.