Numbers 4:16 - Iñupiatun Mumiksat Uqalugiksuat

¹⁶ Eleazar-m iġñiŋata Aaron-gum, aŋaiyyuliqsiqpauruam, aŋalanniaġaa iluqaan Tupiq suli uqsruŋat nannich, tivraġiksautit, palauvaksrat aitchuutiksrat, uqsruqtaaġun, suli supayaat Tupiġmiittuat ilaaguaqtauŋaruat Ataniġmun.

Numbers 4:16 Iomraidhean Croise

Exodus 25:6

uqsruksraŋannik nannich; avuuġutinik uqsruqtaaġunmun suli tivraġiksuanik avyuqtitautinun;

Exodus 30:22

Atanġum uqallautigaa Moses,

Exodus 31:11

uqsruqtaaġun, suli tivraġiksuaq ikipkaaksraq Salumaruamun Inimun. Iluqaisa tamatkua savakkuvsigik, nalaupiallaktaksraġigaat piraksriutiga iliŋnun.”

Exodus 37:29

Salumaruaguvlugu uqsruqtaaġusiuŋammiuq suli tivraġiksaunmik ikipkautiksramik, akułługu tivraġiksautitun.

Leviticus 24:1

Atanġum uqautigaa Moses

Leviticus 24:2

piraksriqł̣ugich Israel-gum kiŋuvaaŋich ukuniŋa: Qaġġirrisitchi uqsruġiŋñiqsrapiaġatamik olive-niñ nannit uqsruksraŋannik Tupiġmi nayuqtauvimñi; naniq ikumaugaġumauq ataramik.

Leviticus 6:20

ilaaguaqtausaqpan Aaron iġñiŋisa iḷaŋat, aŋaiyyuliqsiqpaguqsaġlugu. Taaptumani uvlumi ilaaguaqtauniŋani, aitchuutiqaġisiruq Ataniġmun malġuktun pounds-tun uqumaisigilugu palauvak (aktilaaġisuuraatun uvlutuaġman palauvaksram aitchuutikaaŋata), avvaŋa uvlaami aasii avvaŋa anaqami.

Numbers 3:32

Qaukłiġiŋagaat Levi-m kiŋuvaaŋich Eleazar iġñiŋa Aaron-gum aŋŋaiyyuliqsiqpaum. Qaukłiuŋaruq savaaqaqtuanun savaaksranik Salumaruami Inimi.

Numbers 4:17

Atanġum uqallautigaik Moses-lu Aaron-lu,

Luke 4:18

“Ilitqusiġiksuaŋan Atanġum aŋalatkaaŋa, qanuq ilaan nalunaiqsaġiŋagaaŋa alġaqsruitquvluŋa tusaayugaaġiksuanik kamasaaŋitchuanun. [quviasaaquvlugiḷḷu isumaaġutituqtuat.] Ilaan tiliŋagaaŋa quliaqtuaġitquvlugich tamatkua aŋalatittuat piḷuunmun annaurrauyumiñaġnivḷugich, suli qiñillasiḷugich ayauŋaruat, atanġiqsitautquvlugiḷḷu tamatkua nagliksaaqtitauruat piḷuun pisigivlugu.

Acts 20:28

Qaunagisitchi ilivsiññun iluqaisalu ukpiqtuat, Ilitqusiġiksuam qaunagitquŋakkaŋi ilivsiññun. Qaunagisigik aŋaiyyuliqiruat God-mun, ilaan pigiliutiŋakkaŋi tuqqutaagun ilaan iġñiġmi.

1 Corinthians 4:1

Uvagut iḷisaurrit isummatigiraksraurugut Christ-mun kivgaġiniḷuta, aitchuusiaqaqłuta savaaksrapiaġatamik iḷisaurriruaguluta God-im iḷumun ittuaŋanik kaŋiqsiñaiñŋaruamik sivuani.

1 Timothy 2:5

Qanuq atausiuruq God, suli atausiq atisipkaiñiaqti God-miglu iñuŋniglu, iñuk Christ Jesus,

Hebrews 3:1

Tavraasii, aniqatitkaa, ilaaguaqtauvlusi God-mun, piqatauruasii iluqasi ququakkaŋasii God-im qiḷaŋmiittuam, isumalaaġutigisiuŋ Jesus God-im tiliŋakkaŋa aŋaiyyuliqsiqpaŋnun qaukłiuruaq ukpiġikkaptiŋnun.

Hebrews 3:6

Aglaan Christ iġñiġuvluni God-mun aŋalatchiḷḷuataŋaruq God-im igluanik. Aasiuvva uvagut igluqatigigaatigut, pigiuraġniaġuptigu ukpiqsimaaġniqput, quviagilugulu niġiuguraġniaġupta isuanun-aglaan.

1 Peter 2:25

Qanuq tammaŋaruaguŋarusi imnaisun, aglaan paŋmapak utiŋarusi Imnaiḷiqirimun Qaunaksriŋannullu ilitqusivsi.

1 Peter 5:2

Siḷġiqsuġivsi qaunagitquvlugich God-im iñuŋi munaqsraġikkasi, piḷusi imnaiḷiqiritun qaunaksriḷḷuataqtuatun imnaimiñik. Qaunagisigik taqiŋaŋaiġḷusi piyummatigilugu, God-im pitqutaatun ilivsiññun. Qaunagisigik pisigiłhaaġlugu piyummatiqaġniqsi, akiḷiusiaksranik piqutiqaġniġmiñ.