Numbers 4:15 - Iñupiatun Mumiksat Uqalugiksuat

¹⁵ Aaron-guvlu iġñiŋiksalu matuuganikpatigich salumaruat suġauttapayaurat, aullaġnaqsikpata kisian, Kohath-gum kiŋuvaaŋisa tigumiaġiaġniaġaich. Aglaan aksiktuksraġiŋitkaich salumaruat suġauttaŋich, atakkii tainna pituaġumiŋ tuquniaqtut. Kohath-gum kiŋuvaaŋisa tigumiaġniaġaich tamatkua iḷuaniittuat Tupqum Atanġum nayuqtauviata.

Numbers 4:15 Iomraidhean Croise

2 Samuel 15:24

Zadok, aŋaiyyuliqsiqpak tavraniinŋaruq, piqatigivlugich Levite-guruat, tigumiaqługu Sivunniuġutim Kiguunniŋa. Tamauŋa iḷiŋagaat aasii kivitqiŋaitkaat iluqaġmiŋ iñuich kisian aullaanigmata. Aŋaiyyuliqsiqpak Abiathar tavraniinŋammiuq.

2 Samuel 6:13

Aŋutit tigumiaqtuat Sivunniuġutim Kiguunniŋanik avluanigmata itchaksratun, David-gum nutqaqtiłługich aitchuiŋaruq Ataniġmun ikipkaqługik aŋusalluġlu quiñisipkaŋaruamiglu piayaamik.

1 Kings 8:3

Iluqaġmiŋ aullarrauruat katitaniŋmata, aŋaiyyuliqsiqpaich kiviŋagaat Sivunniuġutim Kiguunniŋa

Exodus 19:12

Nalunaiġḷugu avataa iġġim iñuich avluqtuksraġiŋitchaat, aasiisuli uqallautilugich mayuquŋiḷḷugu iġġi qallitquŋiḷḷugulu. Nallipayaavsi tutikpauŋ tuqutauruksrauniaqtuq;

Exodus 19:21

aasii Atanġum uqallautigaa, “Atqaġlutin kiligiakkich iñuich qaaŋiquŋiḷḷugu killi qiñiġiaqsaġluŋa; tainnatuaġumiŋ iñugiaktuat tuquniaqtut.

Exodus 27:7

aasii iḷiḷugich aqvaluqtuanun saniġallaaŋigñun ikipkaivium akigaqparruŋ.

Leviticus 16:13

Tavrani Atanġum sivuġaani iḷigisigaa tivraġiksaun igniġmun, aasii avyuata tivraġiksautim taliññiaġaa matua Sivunniuġutim Kiguunniŋata tautuŋitchumagaa aasii tuquluni.

Numbers 1:50

Aglaan, Levi-m kiŋuvaaŋich qaunaksriḷiutiyumagitin Tupiġmun nayuqtauvimñun suli iluqaiññun suġauttaŋiññun. Tigumiaġniaġaat suġautaŋiḷḷu, qaunagilugu, suli nullaġvigillaalugu avataani.

Numbers 1:51

Aullaġaġiguvsi nullaummivivsiññiñ, Levi-m kiŋuvaaŋich tupqiyallaaniaqtut aasii nappaġmiḷugu nullatqigviannun. Kiña alla iñuk qaninŋautiruaq Tupiġmun tuqutauniaqtuq.

Numbers 10:21

Tavraliasii Levi-m kiŋuvaaŋich iḷagiraŋich Kohath-gum aullaqiraqtut, tigumiaqługich salumaruaguruat suġauttat. Tikiḷġataġmataasii nullaummivigmun, Tupiq nappaaniŋasuugaat.

Numbers 18:3

Piraksriusiatigli savaaġiruksraġigaich ilignun suli savaaksriusiatiŋ Tupim siḷataani, aglaan aksiasaaniaŋitkaich salumaruaguruat atuġuuraŋich Salumaruami Inimi naakka ikipkaivigmi. Tainna pituaġumiŋ, iliŋiḷḷu suli ilivsi tuqutauniaqtusi.

Numbers 3:38

Moses-lu Aaron-lu, Aaron-guvlu iġñiŋich nullaqtuksrauŋarut sivuġaanun Tupqum kivaliñaaŋata. Savaaġiŋagaiḷḷi savaaksrautitiŋ Salumaruami Inimi Israel-gum kiŋuvaaŋiññun. Kiña alla iñuk savaksaaruaq tavrani tuqutauniaqtuq.

Numbers 4:14

Tavruŋaġlugich iluqaisa atuġuuraŋich ikipkaivigmi: aġraliqutit, kakiurat, piksrugaurat, iḷuturuallu puggutaurat. Qitummaaġiksuamik qisisamik matulugich aasii iviqtillugik akigaunnaŋik.

Numbers 4:19

tuqutaupkaġnasigik qallipkaġlugich ukunuŋa salumaruanun suġauttanun. Tainnaquŋiḷḷugich, inna savautiniaġisi: Aaron-lu iġñiŋiglu isiġniaqtut aasii iñullaa piraksriqsuġlugu sunik tigumiaġniaqtilaaŋa.

Numbers 4:20

Uvvakii Kohath-gum kiŋuvaaŋich isiqtuksrauŋitchut aasii tautuglugich salumaruat suġauttat, qanukkii tuquniaqtut.”

Numbers 7:9

Aglaan Moses qaitchiŋaiñŋaruq usiaqtuutinik aksraliktuanik naakka qimuktinik Kohath-gum kiŋuvaaŋiññun, qanukkii salumaruat suġġauttat qaunagiraŋich nanmaktaksraġivlugich.

Deuteronomy 31:9

Tavra Moses-gum aglakługit qaiñŋagai pitqurapayaaŋi God-im aŋaiyyuliqsiqpauruanun Levi-m kiŋuvaaŋiññun qaunaksrisuuruanun Atanġum Sivunniuġutaisa Kiguunniŋanik, suli aullarrauruanun Israel-gum kiŋuvaaŋiññun.

1 Samuel 6:19

Atanġum tuqunŋagaich piŋasukipiaq qulit (70) aŋutit Beth Shemesh-mi qanukkii itchuaŋarut iḷuanun Sivunniuġutim Kiguunniġum. Iñuich qiñuqpaŋarut qanukkii Atanġum tuquġaiqpaŋagaich aŋutit avataiññiñ.