Numbers 34:2 - Iñupiatun Mumiksat Uqalugiksuat

² “Piraksrikki Israel-gum kiŋuvaaŋich aasii uqallautilugich: ‘Isiġuvsi Canaan-mun, qaiññiaqtamnun ilivsiññun kiŋuvaannaktaaġitquvlugu, killiqallaaniaqtut nunaginiaqtasi inna.

Numbers 34:2 Iomraidhean Croise

Genesis 10:19

Canaan-miut nunaŋich killiqaŋarut tikiḷġataqługich Sidon-miñ Gerar-mun qaniŋanun Gaza-m, Sodom-mun, Gomorrah-mun, Admah-mun, Zeboiim-mun qaniŋaniittuamun Lasha-m.

Genesis 17:8

Qaiññiaġiga iliŋnun kiŋuvaaġnullu manna nuna paŋmami iñuuniaġvigiran. Tamatkiġḷugu nunaŋa Canaan piginiaġaat kiŋuvaaqpich isuitchuamun, aasii uvaŋa iliŋisa God-iginiaġaanŋa.”

Psalms 105:11

“Aitchuġniaġikpiñ nunamik Canaan-mik,” Ilaa uqallaktuq. “Kiŋuvaannaktaaġiniaġiñ.”

Exodus 23:31

Killiḷiġniaġiga nunaksi iḷuliaŋaniñ Red Sea-m Mediterranean Sea-muaglaan; suli nunagluktuamiñ Euphrates River-muaglaan. Ataniġnaqusiġñiaġivsi iñuŋiñun nunam, aasii aullaqtitaġniaġisi sivunmun iglaullavsi.

Numbers 34:1

Atanġum uqautiŋagaa Moses,

Acts 17:26

Suli ilaan savaŋagai atautchimiñ iñuŋmiñ, iñupayaurat nunami iñuutquvlugich iluqaani nunami. Ilaan sivunniutiŋagai sivuani iñuullaaniksraŋich suli killiksraŋich iñuuniaġviḷḷaaŋisa.

Acts 26:18

Tavra iḷisautiniaġitin tusaayugaaġiksuanik mumikkumiñaqsiḷugich taaqtuamiñ qaummaġiksuamun, aŋalatinŋaiġḷutiŋ Satan-mun aglaan God-mun, ukpiliġḷutiŋ piḷuutitiŋ suliqutigiŋaiqsautqulugich, suli iḷaliutiyumiñaqsiḷutiŋ God-im iñuksraqtaaŋiñun.

Ephesians 1:14

Tavraasii nalunaiñŋutchiqsauŋavlusi pigiliutivlusi God-mun, nalupqisukkumiñaitchusi annaurrautilaavsiññik paŋmapaŋmiñ qiḷaŋmugataġlusi. Pisigilugu taamna, iluqaġmiŋ iñuich nanġaġlirruŋ God kamanautaagun.

Ephesians 1:18

Suli apiġigiga God iḷitchuġipkaquvlusi nalupqigiŋaiġḷugu annagumman taavrumuŋa God-im ququaŋammasi, suli iḷitchuġilugu inuaŋaiññiŋa kamanautim, God-im ilaaguaqtaŋisa kiŋuvaannaktaaġiniakkaŋat.