Numbers 33:3 - Iñupiatun Mumiksat Uqalugiksuat

³ Israel-gum kiŋuvaaŋisa uniñŋaniġaat Egypt akimiaŋanni (15th) uvlut sivulliġmi tatqiani ukium, uvlaakumman sivulliġmik Qulaurrusiqiqqaaqtillugich. Atanġum munaqqutaata ataaniiłłutiŋ aullaŋaniqsut iniqpagmiñ Rameses-miñ takkuanni Egypt iñuŋich,

Numbers 33:3 Iomraidhean Croise

Genesis 47:11

Tavraasii Joseph-gum inillaktinŋagaa aapani suli aniqatiini Egypt-mun, nunaksrił̣ł̣ugich nakuuniqtaŋanik nunam qaniŋani Rameses, piraksriutaatun umialgum.

Psalms 105:38

Egypt-miut iqsigiliutiŋaniġaich Israelite-guruat, suli quyaŋarut aullaġmata.

Exodus 1:11

Tavraasi tiliuqtiliqsuŋagaich nagliksaaqtitaġisaqługich siġġaġnaqtuanik savaktiłługich. Israel-gum kiŋuvaaŋich nappaŋagaik nunaaqqik Pithom-lu Rameses-lu suġauttaqaġvigisaqługik umialigmun.

Exodus 12:2

“Uumani tatqimi atuqtaptinni sivulliġiniaġaa ukium ilivsiññun.

Exodus 12:37

Israel-gum kiŋuvaaŋich aullaŋaniqsut pisukataqhutiŋ Rameses-miñ Sukkoth-muksaqhutiŋ. Iñugiaktigikavsaŋarut 600,000-tun aŋutit, kisitkaluaġnagich aġnallu miqłiqtullu.

Exodus 13:4

Aullaġniaqtusi Egypt-miñ taaptumani uvlumi sivulliġmi tatqimi, atiqaqtuamik Abib-mik.

Exodus 14:8

Atanġum uqayunaiḷiŋagaa Pharaoh, aasii maliqataŋagaich aquatigun Israel-gum kiŋuvaaŋich aullaqimmiullu akimmatiqaqłutiŋ.

Numbers 33:2

Piraksriutaagun Atanġum, Moses-gum agliurruŋagaich atillaaŋich inauruat nullaġaġigamiŋ.